Prezıdent Jarlyǵymen Asqar Myrzahmetov Premer-mınıstrdiń orynbasary – Aýylsharýashylyǵy mınıstri bolyp taǵaıyndaldy, - dep habarlaıdy Qamshy.kz.

«Asqar Isabekuly Myrzahmetov Qazaqstan Respýblıkasy Premer-Mınıstriniń orynbasary – Qazaqstan Respýblıkasynyń Aýyl sharýashylyǵy mınıstri bolyp taǵaıyndalsyn, ol burynǵy atqarǵan qyzmetinen bosatylsyn» delingen Prezıdent Jarlyǵynda.

Endi ol osy ýaqytqa deıin Premer-mınıstrdiń birinshi orynbasary Baqytjan Saǵyntaev atqaryp kelgen biraz ókilettiktermen bólisetin bolady.

«Endi bizge ishki mindetterdi bólisýdi oılastyrý kerek. Baqytjan Ábdiruly (Saǵyntaev – red.) qaramaǵynda bolǵan aýylsharýashylyǵy salasyn qaıta bólemiz. Sonymen birge jer reformasy jónindegi komısıany da Myrzahmetovke beremiz», - dedi Úkimet otyrysynda Premer-mınıstr Kárim Másimov.

Qos laýazymdy qatar ustaǵan A. Myrzahmetov buǵan deıin Aýylsharýashylyǵy mınıstri, «Nur Otan» partıasy tóraǵasynyń birinshi orynbasary, OQO ákimi, «Ońtústik» ÁPK» AQ basqarma tóraǵasy syndy laýazymdarda bolǵan.