Almaty oblysy Talǵar qalasynda eki bala avtokólik ishinde tirideı órtenip ketti, - dep habarlaıdy Qamshy.kz Almaty oblystyq İİD Baspasóz qyzmetine silteme jasap.

Polısıanyń habarlaýynsha qaıtys bolǵan balalardyń ekeýi de úsh jasta bolǵan.

«Jeke turǵyn úılerdiń biriniń aldynda 13 maýsym kúni avtokólik órtendi. Onyń ishinde úsh jasar eki ul bala bolǵan. Balalar qaıtys boldy. olar Folksvagen-Golf kóliginiń ishinde janyp ketti. Sheteldik kóliktiń órtený sebebi áli anyqtalmady. Talǵar AİİB qyzmetkerleri atalǵan oqıǵa boıynsha tıisti tekserý júrgizýde», - delingen İİD taratqan habarlamada.

Oblystyq İİD osyndaı qaıǵyly oqıǵa keshe Qarasaı aýdanynda da bolǵanyn, órt kezinde 10-11 jastaǵy eki balanyń Uzyn qarǵaly ózenine batyp ketkenin habarlaıdy.