«Báıterek» holdıńiniń shaǵyn jáne orta bızneske qarjylaı qoldaý kórsetý jónindegi baǵdarlamalary óz tıimdiligin dáleldi. Bul týraly SHOB-ty damytý men qoldaý máselelerine arnalǵan QR Úkimetiniń otyrysynda «Báıterek» ulttyq basqarýshy holdıńi» AQ Basqarma Tóraǵasynyń orynbasary Lázzat Ibragımova málimdedi, - dep habarlaıdy Qamshy.kz.
«Báıterek» holdıńi aldyndaǵy strategıalyq mindetterdiń biri shaǵyn jáne orta kásipkerlikke qoldaý kórsetý bolyp tabylady», - dep atap ótti Lázzat Ibragımova.
Kredıt berý naryǵy týraly aıta otyryp, Holdıńtiń Basqarma Tóraǵasynyń orynbasary: «Holdıńtiń enshiles uıymy – «Damý» kásipkerlikti damytý 
qorynyń shaǵyn jáne orta kásipkerlik sýbektileriniń kredıt naryǵyn qamtýy joǵary deńgeıde saqtalyp tur. 2015 jyldyń qorytyndylary boıynsha úlesi 30 %-ǵa deıin ulǵaıdy. Banktik kredıtterdiń jalpy kóleminde «Damý» qorynyń baǵdarlamalary boıynsha qarajat úlesi ekonomıkanyń basym sektoryndaǵy kredıtter boıynsha 13,3 %-dy, óńdeý ónerkásibindegi kredıtter boıynsha 19,3 %-dy qurady», - dep túsindirdi.
Óńdeý ónerkásibin qoldaýǵa Ulttyq qordan 200 mlrd. teńge mólsherinde úsh transh bólindi. 2016 jylǵy 1 maýsymdaǵy jaǵdaı boıynsha 264,2 mlrd. teńgeden astam somaǵa shaǵyn jáne orta kásipkerlik sýbektileriniń 1353 jobasy qarjylandyryldy. Osy Baǵdarlamany iske asyrý barysynda onyń qatysýshylary 740 mlrd. teńge somasyna ónim shyǵardy, 66,8 mlrd. teńgege salyq tóledi, 15,7 myńǵa jýyq jumys ornyn qurdy.
Budan basqa, «Bıznestiń jol kartasy - 2020» bıznesti qoldaý men damytýdyń biryńǵaı baǵdarlamasy sheńberinde 2010 jyldan bastap syıaqy mólsherlemesin sýbsıdıalaý maqsatynda 1 426,11 mlrd. teńge jalpy somasyna 7 419 sýbsıdıalaý jobalaryna qol qoıyldy, 123,8 mlrd. teńgege sýbsıdıa tólendi. 2016 jylǵy qańtar-mamyr aralyǵynda «Damý» qory 58,3 mlrd. teńge jalpy somasyna 640 jobaǵa qol qoıyp, 10,01 mlrd. teńge sýbsıdıa tóledi.
Lázzat Ibragımova atap ótkendeı, Biryńǵaı baǵdarlama sheńberinde «Damý» qorynyń kásipkerlikti qoldaýdyń basqa da suranysqa ıe quraly bankterde kredıt alýǵa jetkilikti kepildikti qamtamasyz etýi joq kásipkerlerge kepildik berý bolyp tabylady. Aǵymdaǵy kúnniń jaǵdaıy boıynsha 30,6 mlrd.teńge jalpy somasyna 1 918 kepildik berildi. Bul shaǵyn jáne orta kásipkerlik sýbektilerine 71,9 mlrd.teńge somasyna bankterden kredıt tartýǵa múmkindik týǵyzdy.
2015 jyldyń osyǵan uqsas kórsetkishterimen salystyrǵanda «Damý» qorynyń kepildik berý ósimi 74 %-dan astamdy qurady. Nátıjesinde, bes jyl ishinde Biryńǵaı baǵdarlamanyń qatysýshylary 5,1 trln.teńge somasyna ónim shyǵarýdy qamtamasyz etti, 428 mlrd.teńgege salyq tóledi, 216,8 myń jumys ornyn saqtap, 67,4 myń jańa jumys oryndar ashty.
Sondaı-aq, «Báıterek» holdıńi jergilikti atqarýshy organdarmen yntymaqtastyqty keńeıtýde. 2016 jyly Holdıńtiń enshiles uıymy – «Damý» qory ákimdiktermen birlesip, óńirlik kásipkerlerdi, sonyń ishinde aýyldar men shalǵaı aýdandarynyń kásipkerlerin qarjylandyrýǵa 23,9 mlrd. teńge baǵyttaıdy.
«Kepildik alý jáne bankterdiń ótinimderdi qaraý merzimderin qysqartý prosesiniń ashyqtyǵy egov.kz portaly arqyly proseserdi avtomattandyrý jáne barlyq bankterde kredıttik ótinimderdi qaraýdyń biryńǵaı standarttaryn engizý esebinen qamtamasyz etiletin bolady», - dedi «Báıterek» ulttyq basqarýshy holdıńi» AQ Basqarma Tóraǵasynyń orynbasary Lázzat Ibragımova.
Kásipkerlerdi qarjylaı qoldaýdyń jańa elektrondyq qyzmetterin egov.kz portaly arqyly engizý kásipkerlerdiń barlyq sanattary úshin qyzmetter alýǵa keń múmkindik beredi.
