Búgin Úkimet otyrysy sońynda QR Premer-Mınıstri Kárim Másimov birqatar tapsyrmalar berdi, - dep habarlaıdy Qamshy.kz QazAqparatqa silteme jasap.

Vedomstvoaralyq jumys tobyna (ekstremızmge jáne lańkestikke qarsy is-qımyl salasynda sharalar keshenin ázirleý jónindegi) bir aptada normatıvtik-quqyqtyq jáne uıymdastyrýshylyq mazmundaǵy naqty usynystarmen sharalar josparyn daıarlaý tapsyryldy. Osy rette Prezıdenttiń tapsyrmalaryn oryndaýdyń formalary, merzimderi kórsetiledi.

«Sonymen qatar Memleket basshysynyń tapsyrmasy boıynsha Ulttyq qaýipsizdik komıtetine múddeli organdarmen birlese bir aıdyń ishinde ekstremızm men lańkestikke, qarý-jaraq aınalymyna qarsy is-qımyl, kóshi-qondy retteý jáne basqa da salalar boıynsha zańnamany jetildirýge baǵyttalǵan zań jobasyn jáne ózge normatıvtik-quqyqtyq aktilerlerdi ázirleý qajet»,-dedi Úkimet basshysy.

QR Ulttyq ekonomıka mınıstrligi aldyna múddeli memlekettik organdarmen birlese bir aptalyq merzimde kóshi-qon máseleleri boıynsha memlekettik organdar ókilettigin jikteýdi qarastyratyn QR Prezıdentiniń Jarlyǵy jobasyn Úkimetke engizý mindeti júkteldi. Osy jumystar Memleket basshysy maquldaǵan qadamdar men Kóshi-qon jónindegi ulttyq búrony qurýdy eskere otyryp atqarylýy kerek.