Atyraý oblysy, Jangeldın aýylyndaǵy qazaǵa qatysty kútpegen derek jarıa etildi. Marqum erli-zaıyptynyń uly Naýryzdyń nómirinen týysyna joldanǵan hat qoǵamnyń nazaryn aýdartty.
Osy oqıǵaǵa baılanysty bir úıdiń eki adamy – Naýryz Muqanǵalıev pen onyń qaryndasy Mıramgúlge qatysty izdestirý jalǵasyp jatyr. İs tóńiregindegi ár málimetti jurt jiti baqylap otyr.
Hatta ne jazyldy
Qazaq AIRAN redaksıasynyń tilshileri Jangeldınge barǵan. Marqum Maqsot Qarabalınniń týǵan qaryndasy Ádemi Shylmaǵambetova Naýryzben aradaǵy hat almasýdy kórsetken.
27 jeltoqsanda Naýryz Muqanǵalıevtiń nómirinen tátesine mynadaı mátin joldanǵan:
«Aryz jazyp ne dúrliktirip jatsyz? Ózimizde problema azdaı. Paıdalaryń tımese de, zıandaryńyzdy tıgizbeńizdershi. Bosqa kómektese almaısyzdar, mysqyldap kúlesizder. Paıdalaryńnan zıandaryńyz kóp eken. Óz ata-anama ózim jaýap berem. Sharýalaryńyz bolmasyn jarar, úılenip aldym. Tynysh ómir súrgizbedińizder jan-jaqtan. Bankten bir izdeıdi, polısıa bir izdeıdi. Dushpan ekensińder».
Jaqyndarynyń pikiri
Marqum Maqsot Qarabalınniń inisi Shalqar Muqanǵalıev Naýryz týraly pikir bildirgen. Ol Naýryzdy kishkentaıynan tanıtynyn, eshkimge qaryz bolmaı, ózgege zıan keltirmeı, óz tirshiligimen júrgen adam bolǵanyn aıtqan.
«Ákesine ne anasyna zıan keltiretin adam emes. Aýyldaǵy kez kelgen kisiden surasańyz, Naýryz jaıly jaman sóz aıtpaıdy. Úıiniń jalǵyz balasy ǵoı. Aýzyń ashsa, júregi kórinetin adam» – degen ol.
İzdestirý men resmı málimet
Aýylda Naýryz ben Mıramgúldi izdeý jalǵasyp jatyr. Týystar men aýyldastar jańa derekterdi kútip otyr, qoǵamnyń suraǵy kóbeıip tur. Polıseılerdiń resmı túsindirmesin jurt kútip otyr.
Foto: Atyraý oblystyq PD
Bul týraly Qamshy.kz aqparat agenttigi habarlaıdy.
