Shymkentte 21 jastaǵy stýdent Nuraı Serikbaı pyshaq jaraqatynan qaza tapty. Polısıa kúdikti retinde 29 jastaǵy Sherhan Aımahandy izdep jatyr, onyń fotosyn jergilikti BAQ jarıalady.

Ne belgili

Qaıǵyly jaǵdaı 11 qańtar keshinde Tólemetov pen Ótegenov kósheleriniń qıylysynda boldy.

Beınebaqylaý kadrlarynda qyzdyń qashýǵa umtylǵany, qarsylyq kórsetkeni, al jigittiń uryp, pyshaqpen birneshe soqqy jasaǵany kórinedi. Oqıǵa ornynan er adam qashyp ketken.

Marqum jaıly

Nuraı ata-anasymen osy mańdaǵy kópqabatty úıde turǵan. Ol otbasyndaǵy eń kenje bolǵan, eki aǵasy bolǵan. Jaqyndary denesin morgten alyp, Túrkistan oblysynyń Tórtkól aýylyna jetkizgen. Janaza 13 qańtar kúni atqarylmaq.

Kúdiktini izdeý

Polısıa izdeýge 29 jastaǵy Sherhan Aımahandy jarıalaǵan. Tergeý kúdiktiniń oqıǵa ornynan HYUNDAI Mufasa avtokóligimen ketkenin málimdegen (memlekettik nómiri 015 AUY 17).

Kýá bolǵan turǵyndardan jáne beınetirkegish jazbasy bar júrgizýshilerden 102 nómirine habarlasýdy, qoldaǵy málimetti quqyq qorǵaý organdaryna berýdi suraǵan. Qylmystyq is Qylmystyq kodekstiń «Kisi óltirý» baby boıynsha qozǵalǵan. Shabýyldyń sebebi ázirge belgisiz.

Kúdiktiniń jáne marqumnyń fotolaryn jergilikti OTYRAR portaly jarıalaǵanyn buǵan deıin BAQ habarlaǵan.

Bul týraly Qamshy.kz aqparat agenttigi habarlaıdy.