Atyraýdaǵy «Saraıshyq» bazarynda órt shyqty, - dep habarlaıdy Qamshy.kz «Aq jaıyqqa» silteme jasap.

Komýnaldyq bazardaǵy órt týraly arnaıy organǵa habar tún ortasynda túsken.

«Órt sóndirýshiler jetken kezde azyq-túlik bóliminde 13 tońazytqysh-sóreniń janyp jatqany anyqtaldy. Túngi birde órt tolyqtaı sóndirildi», - deıdi «Órt sóndirý jáne apattyq-qutqarý qyzmeti» MM-niń jedel kezekshisi Qýanbek Rapıǵulov.

Bazar ákimshiliginiń aıtýynsha, órttiń shyǵýyna elektr toǵyndaǵy qysqasha tuıyqtalý sebep bolýy múmkin.

«Jaýyp shyqqanda barlyǵy durys bolatyn, tgńazytqyshtar istep turǵan. Ǵımarat ishinde «Halyq» jáne «Sesna» banktiń bankomattary, basqa da termınaldar bar. Olarǵa ot tımedi. Barlyǵyn toqtan ajyratty.bazarda gaz joq. Ony naýryz aıynyń sońynda toqtatqanbyz. Kún ystyq, tońazytqyshtar úzdiksiz jumys isteıdi. Sodan bolar», - deıdi bazar ákimshisi Nurjamal Tolqynbaeva.