Sonymen,  egemen  elimizdiń 25 jyl ishinde qol jetkizgen memlekettik tildegi  Elbasynyń  aıtýymen  bolǵan  anamyzdyń,  qazaqtyń tilindegi jalǵyz telearnasy  -  «Qazaqstan»  kúırep tyndy!  Kúıremegende, nesi qaldy, 9 maýsymnan bastap úsh kún qatarynan Máskeýdiń «MýzTV premıa 2016» jobasyn orys tilindegi  konserttik  habaryn  qaıta-qaıta  kúndelikti sholý jasap, tipti  tutastaı  uzaq-sonar translásıalady.  Qazaq arnasynda - taza orys tilinde! Maksım Galkın men Ksenıa Sobchak qazaqtyń ulttyq arnasynda óz tilinde armansyz «saıran saldy». Sóıtip ulttyq arna saıasattyń,  naryqtyń,  qarajattyń  aıaǵyna jyǵyldy.

Basynda taza, tek memlekettik tilde ǵana habar júrgizedi degen «Qazaqstan» ulttyq   arnasy fýtbol  machtaryn  eki tilde  júrgizýden  bastap-aq eń basty qaǵıdany - taza qazaq tildi degendi buzǵan edi. Onyń ústine áli  elimiz resmı kóshpegen latynsha jazýǵa resmı arnanyń kóship, til shubarlaǵany qaı sasqany? («Apta.kz», «Kaznews»). Mine, basty qaǵıdany osylaısha  túp-tamyrymen  kúlin kókke ushyrdy! Eti ólip ketken, bárine tózgish qazaqqa báribir dep,  Nurjan Muhamedjanova hanym oıyna kelgenin isteı bere me? Elbasyn elemegeni me?

Tursyn Tańatarov,

Qostanaı qalasy