Almatydaǵy «Alma-arasan» shatqalynda 9 aılyq bala Úlken Almaty ózenine qulap ketken. Qaıǵyly oqıǵa keshe keshki altylarda bolǵan, - dep habarlaıdy Qamshy.kz Almaty qalasy İİD baspasóz qyzmetine silteme jasap.
«9 aılyq balany kótergen 15 jastaǵy ápkesi ózenge sýretke túsý úshin jaqyn barǵan. Alaıda, qyz abaısyzda súrinip ketip, náresteni qulatyp alǵan», - delingen İİD taratqan habarlamada.
Keshe sýǵa aqqan náresteni izdestirýge tótenshe jaǵdaı departamenti mamandarymen birge 48 polısıa qyzmetkeri jumyldyrylǵan.
«Bala áli tabylmady. İzdestirý jumystary jalǵasýda. Qazir izdeý jumystaryna 20 polısıa, 20 TJ qyzmetkeri men 4 polısıa tehnıkasy jumyldyryldy», - deıdi Almaty qalasy Bostandyq aýdany İİB bastyǵy Berik Ábilbekov.
