Qazaqstan ustazdarynyń respýblıkalyq «Aǵartýshy» qozǵalysy quryldy, - dep habarlaıdy Qamshy.kz.
Qazirgi kezde qordalanyp otyrǵan bilim máselesi kim-kimdi bolsa da beı-jaı qaldyrǵan emes. Desek te bilim salasyndaǵy túrli reformalar, jemqorlyq taǵy da basqa tolyp jatqan problemalar muǵalimniń eńsesin basa túspese kóterilgen joq. Ózgeniń baqytyn aıalap, óziniń balasyna qaraýǵa murshasy joq muǵalimniń mártebesin kóterý, olarǵa kómek qolyn sozý úshin Respýblıkalyq muǵalimderdiń «Aǵartýshy» qoǵamdyq qozǵalysy qurylyp, quryltaıshylary bekitilip tóraǵalyqqa eldegi muǵalimderdiń problemasyn kóterip júrgen, Shymkent qalasyndaǵy №41 mekteptiń tarıh jáne quqyqtaný pániniń muǵalimi, joǵary sanatty ustaz, 1-deńgeıli sertıfıkat ıegeri (Kembrıdj tehnologıasy), "Bilim berý isiniń úzdigi", Qazaqstan Jýrnalıser Odaǵynyń múshesi Ómir Shynybekuly saılandy.
Negizi qozǵalystyń basty maqsaty - BİLİM JÚIESİNDEGİ JEMQORLYQPEN KÚRESÝ. Jemqorlyqpen, bilim salasyndaǵy keleńsizdikpen kúresken muǵalimderge kómek kórsetý, qadaǵalaý, tıisti oryndardy qulaqtandyrý, basty nazarda ustap BAQ quraldary arqyly taratý.
Muǵalimder men ata-analardyń quqyqtyq saýatyn ashý, quqyqtyq kómek berý, qoldaý kórsetý, quqyq pen mindettiń qatar júretinin uǵyndyrý.
Ustazdardyń shyǵarmashylyǵynyń jáne belsendiliginiń damýyna qajetti jaǵdaılar týǵyzý, olardyń quqyqtaryn qorǵaý qozǵalystyń negizgi maqsattarynyń biri.
Bul maqsattarǵa jetý jolynda Qozǵalys ustazdar arasyndaǵy shyǵarmashylyqty qoldaý, ǵylymı-zertteý jumystaryna memleketten jáne demeýshilerden qarajat taýyp berý, muǵalimder arasynda qoǵamdyq pikir qalyptastyrý (buqaralyq aqparat quraldary arqyly da), azamattyq qoǵam jáne quqyqtyq memleketti damytýda ustazdar boıynda belsendi ustanymdyq baǵytqa tárbıeleıdi. Sonymen birge ustazdardyń áleýmettik máselelerin sheshýdi qarastyrý, memlekettik atqarýshy jáne ókildikti organdarmen áleýmettik áriptestik ornatý, ustazdar, balalar jáne ata-analardyń quqyǵynyń oryndalýyn qadaǵalaý, qoǵamdaǵy túrli áleýmettik-saıası problemalardy, sondaı-aq ustazdar máselelerin áleýmettik zertteý jumystaryn uıymdastyrady.
Muǵalim bedelin kóterý, ustazdardyń ozyq tájrıbelerin nasıhattaý jáne ustazdardyń quqyqtary men bostandyqtaryn, zańdy múddelerin qorǵaý, ıntelektýaldy ult qalyptastyratyn bilim baǵdarlamalaryn daıyndaıdy.
Muǵalimniń qoǵamdaǵy bedelin kóterý baǵytyndaǵy túrli áreketter men sharalardy júzege asyrý jáne osy baǵytta memlekettik organdarǵa usynystar jasaı otyryp ekonomıkalyq, áleýmettik, mádenı jáne ózge de salalarda muǵalimder quqyqtarynyń buzylýy oqıǵalaryn joıýǵa áreket jasaý jáne qajetti jaǵdaıda kópshiliktiń, memlekettik organdar men álemdik qaýymdastyqtyń nazaryn aýdarýǵa kúsh salady.
Muǵalimniń áleýmettik jaǵdaıyn jaqsartý baǵytynda memlekettik organdarǵa usynystar berý jáne osy baǵyttaǵy zań jobalarynyń ázirlenýi men qabyldanýyna at salysyp, jalpy azamattyq rýhanı ıgilikterdiń óris alýyna qamqorlyq jasaıdy.
Qazirgi kezde beleń alyp otyrǵan muǵalimder men qoǵam problemalaryn zertteý, turǵyndardyń ıntellektýaldyq damýy týraly bastamalaryn qoldap, Qazaqstan Respýblıkasyndaǵy quqyqtyq tárbıeleýdi nasıhattaý jáne quqyqtyq nıgılızmdi joıý is-sharalaryn júzege asyrady.
Adam, onyń quqyqtary, bostandyqtary jáne múddeleri- quqyqtyq memlekettiń joǵarǵy qazynasy retindegi quqyqtyń qorǵalýynyń mindettiligin nasıhattap, quqyq qorǵaýshy qyzmetin júzege asyra otyryp, muǵalimderdiń Konstıtýsıalyq quqyqtary, bostandyqtary jáne múddelerin qorǵaıdy.
Zańmen belgilengen tásilderdi qoldana otyryp, jeke jáne ujymdyq eńbek daýlaryn sheshý quqyǵyn júzege asyrýǵa at salysyp, birlestik qurý maqsattaryna oraı Qazaqstan Respýblıkasy zańnamalary sheńberinde halyqaralyq yntymaqtastyqty júzege asyryp, nyǵaıtady.
Qozǵalys negizgi osy baǵyttardy negizge ala otyryp jumys jasaıtyn bolady. Jumys barysynda ınternet áleýmettik jelisin de belsendi paıdalanyp, Qazaqstannyń ár oblysynan qozǵalystyń jeke toptary da jumys isteıtin bolady. Ol muǵalimderdiń quqyǵynyń taptalýyna, jemqorlyqtyń aldyn alý, nemese bolǵan faktorǵa baılanysty jekelengen belsendi muǵalimderdiń quqyǵynyń taptalmaýyna, jumysynyń saqtalýyna qadaǵalaý jasaıtyn bolady.
Mırjan Temirbekov
«Aǵartýshy» qoǵamdyq qozǵalysynyń múshesi
