Qazaqstan meshitteriniń jamaǵaty taraýyqtan tegin taksımen qaıtady, - dep habarlaıdy Qamshy.kz Islam-today.ru málimetterine silteme jasap.

«Qazaqstanda «Imam» dep atalatyn tegin taksı qyzmet kórsete bastady», - dep jazady aqparat quraly. Al, tegin taksıdiń júrgizýshileri eldi mekenderdegi meshit ımamdary kórinedi. Olar taraýyq namazynan soń jamaǵatty úıdi-úılerine jetkizip tastaý mindetin alyp otyr.

Bul bastama Bas múftı Erjan qajy Maıemerovtiń Oraza qarsańyndaǵy úndeýine qoldaý retinde kóterilgenin aıta ketý kerek. Tegin taksı Qazaqstanda alǵash ret Shyǵys Qazaqstan oblysynda qyzmetin bastady.

«Taraýyq ýaqyty óte kesh keledi. Kóptegen azamattarymyz túnde taksımen qaıtýdy qaltasy kótermeıdi. Sondyqtan, Ramazan aıynda osyndaı bastama kóterdik», - deıdi «Halıfa Altaı» meshitiniń bas ımamy Ermek qajy Muharaı.