Almatydaǵy Medeý bıik taýly sport kesheninde Memlekettik rámizder kúnine arnalǵan Qazaqstan Respýblıkasynyń Memlekettik Týyn saltanatty kóterý rásimi ótti.

Patrıottyq is-sharaǵa Almaty ákimi Darhan Satybaldy, mádenıet jáne sport qaıratkerleri, máslıhat depýtattary, qoǵam qaıratkerleri, Qazaqstan halqy Assambleıasy músheleri, sondaı-aq jastar uıymdarynyń ókilderi qatysty. Saltanatty rásimge jalpy sany bir jarym myńnan astam adam jınaldy.

Resmı bólim aıaqtalǵannan keıin merekelik is-shara shyǵarmashylyq ujymdar men ónerpazdardyń  konsertimen jalǵasty.

Sondaı-aq, qaladaǵy barlyq aýdanda saltanatty is-sharalar uıymdastyrylyp, Memlekettik Ánuran jappaı oryndaldy. Almaty turǵyndary el Ánuranyn saıabaqtarda, mektepterde jáne ózge de qoǵamdyq oryndarda oryndap, memlekettik rámizderdiń mańyzy men ulttyq birliktiń mánin aıqyndaı tústi.

Mereke aıasynda qalada taqyryptyq konferensıalar, jastar chellendjderi men aǵartýshylyq aksıalar ótkizildi. Arbattaǵy ǵımarattar men Almaty qonaq úıi ǵımaratynyń qasbetterine memlekettik týlar ilindi.

Merekelik baǵdarlamanyń qorytyndysy retinde Kóktóbe aýmaǵynda ashyq aspan astynda (Open Air) konsert ótedi. Oǵan Qazaqstannyń tanymal ónerpazdary qatysady.