Abaı atyndaǵy Qazaq ulttyq pedagogıkalyq ýnıversıteti pedagogıkalyq bilim berý salasyndaǵy álemdegi jetekshi joǵary oqý oryndarynyń biri retindegi mártebesin taǵy da rastady. Ýnıversıtet «QS World University Rankings by Subject 2026» reıtıńinde «Bilim berý jáne oqytý» (Education & Training) baǵytyndaálem boıynsha 41-oryndy ıelenip, TOP-50 qataryna endi.
QazUPÝ osy baǵyt boıynsha TOP-50-ge engen Qazaqstandaǵy jalǵyz ýnıversıtet jáne Ortalyq Azıadaǵy kóshbasshy atandy. Bul nátıje ýnıversıtettiń zamanaýı pedagogıkany damytýdaǵy jáne jańa býynnyń halyqaralyq deńgeıdegi mamandaryn daıarlaýdaǵy strategıalyq rólin dáleldeıdi.
QS aımaqtyq dırektory Sergeı Hrıstolúbovjańa pándik reıtıńterde Ortalyq Azıanyń joǵary bilim berý júıesi úshin tarıhı jetistikke qol jetkizilgenin atap ótti. Onyń ishinde, Abaı ýnıversıteti Azıa boıynsha úzdik ondyq qataryna enip, Ortalyq Azıa boıynsha kósh bastady. Bul nátıje – QS pándik reıtıńterine qatysý tarıhyndaǵy óńir úshin eń joǵary kórsetkish.
Jetistiktiń negizgi faktory – joǵary halyqaralyq akademıalyq bedel: bul kórsetkish boıynsha ýnıversıtet álemde 9-oryndy ıelendi. Sońǵy bes jylda ýnıversıtet 410 akademıalyq nomınasıaǵa ıe boldy, olardyń 67%-y AQSH, Eýropa, Ulybrıtanıa, Kanada jáne TMD elderiniń jetekshi ýnıversıtetterimen seriktestikke baılanysty.
Eńbek naryǵy tarapynan da joǵary baǵa berildi: «Jumys berýshi bedeli» kórsetkishi boıynsha álemde 43-oryn QazUPÝ túlekteriniń halyqaralyq deńgeıde suranysqa ıe ekenin kórsetedi.
QS by Subject 2026 reıtıńinde ýnıversıtet basqa baǵyttar boıynsha da usynylǵan:
Abaı atyndaǵy QazUPÝ ǵylymı zertteýlerdi damytý, halyqaralyq seriktestikterdi keńeıtý jáne negizgi kórsetkishterdi: dáıeksóz alý, akademıalyq bedel, halyqaralyq zertteý jelisi jáne Hırsh ındeksin arttyrý arqyly óz pozısıalaryn nyǵaıtýdy jalǵastyrýda.
Abaı atyndaǵy QazUPÝ – jaı ǵana oqý orny emes. Bul – jahandyq akademıalyq keńistikke ıntegrasıalanǵan ulttyq pedagogıkalyq bilim berý kóshbasshysy.
QS World University Rankings pándik reıtıńiniń sońǵy shyǵarylymynyń nátıjelerimen kelesi silteme arqyly tanysýǵa bolady: https://www.topuniversities.com/
«Abai University» medıa ortalyǵy
