Qazaqstanda NASA Ortalyq Azıa aımaqtyq aqparattyq ortalyǵyn ashý josparlanýda dep jazdy Qamshy.kz aqparat agenttigi QR sıfrlyq damý, ınovasıalar jáne aeroǵarysh ónerkásibi mınıstrliginiń  málimetin negizge ala otyryp.

Bul týraly búgin Nur-sultan qalasynda ótip jatqan «Ortalyq Azıa men Kavkazdaǵy jer ózgeristerin qadaǵalaý jáne sý-energetıkalyq jáne azyq-túlik qaýipsizdigi men turaqty damý» atty birinshi halyqaralyq konferensıada belgili boldy.

«Qazaqstan qurǵan ǵarysh toby memlekettik jáne jergilikti atqarýshy organdar úshin mamandandyrylǵan geoqyzmetterde ekonomıka salalarynda ǵarysh monıtorıńin derbes júrgizýge múmkindik berdi. Óz kezeginde ǵarysh monıtorıńi aýyl sharýashylyǵy, tótenshe jaǵdaılar, ekologıa jáne tabıǵatty paıdalaný, jerdi paıdalaný, geodezıa, kartografıa, qorǵanys, ulttyq qaýipsizdik jáne basqa da máselelerdi sheshý úshin JQZ derekterine derbes jáne jedel qol jetkizýge múmkindik beredi», – dep atap ótti Qazaqstan Respýblıkasynyń sıfrlyq damý, ınovasıalar jáne aeroǵarysh ónerkásibi vıse-mınıstri Marat Nurǵojın óz sózinde.

Konferensıaǵa  QR sıfrlyq damý, ınovasıalar jáne aeroǵarysh ónerkásibi mınıstrliginiń, NASA shtab-páteriniń, Merılend shtaty ýnıversıtetiniń, Mıchıgan shtaty ýnıversıtetiniń, Ellady zertteý jáne tehnologıa ortalyǵynyń (Gresıa) jáne «Qazaqstan Ǵarysh Sapary» Ulttyq kompanıasynyń» ókilderi qatysýda.

NASA - Aeronavtıka jáne ǵarysh keńistigin zertteý jónindegi ulttyq basqarma. Negizgi negizgi maqsaty adamnyń ǵaryshta kóp merzim bolý múmkindigin týdyrý.