QR Premer-Mınıstri Asqar Mamınniń tóraǵalyǵymen ótken Úkimet otyrysynda Qazaqstannyń halyqaralyq reıtıńterdegi pozısıalaryn jaqsartý sharalary qaraldy dep jazdy Qamshy.kz aqparat agenttigi Qazaqstan Respýblıkasy Premer-Mınıstriniń resmı aqparattyq resýrsyn negizge ala otyryp. 

«PIRLS zertteýinde biz mátindi túsiný jáne oqý saýattylyǵy boıynsha 27-shi oryndamyz. TIMSS-ta matematıka jáne jaratylystaný pánderi boıynsha akademıalyq bilimde úzdikter ishindemiz jáne 10 jetekshi eldiń qataryna kirdik», — dedi bilim jáne ǵylym mınıstri Asqat Aımaǵambetov.

Joǵary bilim berýdegi negizgi reıtıńter - QS World University Rankings jáne Times Higher Education boıynsha anyqtalady. 

Oqýshylardy alǵan bilimderin qoldanýǵa úıretý úshin 2016 jyldan bastap mektepterde synı oılaý men daǵdylardy damytýǵa baǵyttalǵan jańartylǵan mazmun engizilýde. Osy arqyly álemdik deńgeıdegi reıtıń qataryna iligý jáne bilim salasynda joǵary básekege qabilettilik kózdelýde. 

«Olardyń ishinde «kásiptik-tehnıkalyq bilim berý sapasy» boıynsha 2017 jylmen salystyrǵanda 11 pozısıaǵa (102-den 92-orynǵa), «oqytýdaǵy synı oılaý» boıynsha 1 pozısıaǵa (46-dan 45-shi orynǵa) jaqsardy. «Kútiletin bilim berý uzaqtyǵy» (53 oryn) jáne «jarıalanymdardyń dáıeksózdiligi» (110 oryn) boıynsha aldyńǵy kórsetkishter saqtaldy», — dedi A. Aımaǵambetov