Qurmetti ónersúıer qaýym! Sizderdi zamanaýı qazaq keskindeme óneriniń jarqyn ókili, Ábilhan Qasteev atyndaǵy Ulttyq óner mýzeıiniń altyn qoryna týyndylary engen belgili sýretshi ári tájirıbeli ustaz Omarhan Qumardyń «Uly rýh» atty jeke kórmesin tamashalaýǵa shaqyramyz. Óz shyǵarmashylyǵynda dástúrli realısik mektep pen jańasha izdenisterdi toǵystyrǵan qylqalam sheberiniń bul keshi – naǵyz joǵary deńgeıdegi rýhanı is-shara bolmaq.

Kórmeniń basty ereksheligi – ult qaıratkerleri men batyrlardyń biregeı portretter galereıasy. Munda Joshy han, Sultan Beıbarys, Baýyrjan Momyshuly syndy tarıhı tulǵalardyń asqaq rýhymen qatar, sýretshiniń jaqyndaryna degen ystyq yqylasynan týǵan lırıkalyq otbasylyq beıneler men qazaq dalasynyń sulýlyǵyn pash etetin tabıǵat etúdteri de kórermen nazaryna usynylady.
Tuńǵıyq oı men shynaıy sezim uıalatatyn erekshe atmosferany jiberip almaı, óner keshiniń qonaǵy bolyńyzdar! Kórme 2026 jyldyń 11 maýsym kúni saǵat 16:00-de Ábilhan Qasteev atyndaǵy QR Ulttyq óner mýzeıinde ashylady. Mekenjaıymyz: Almaty qalasy, Kóktem-3 shaǵyn aýdany, 22/1.  Ónermen birge tynystaıyq!