Májilis depýtaty Nursultan Baıtılesovtińaıtaýynsha, amnıstıa – bul zańnyń qataldyǵy ǵanaemes, memlekettiń óz azamattaryna degenkeńpeıildiligi men ulylyǵyn kórsetetin shynaıygýmanızm aktisi.

Túrli ómirlik jaǵdaılarǵa baılanysty konstıtýsıalyq quqyqtary shektelgen jandardy jazadan bosatý nemese merzimin qysqartý – eldegi quqyqtyq saıasattyń adamgershilik ólshemi. Osyǵan deıin biz tek qylmystyq ister boıynshakeshirim jasaýdy qoldanyp keldik. Mysaly, 2021 jyly Táýelsizdiktiń 30 jyldyǵyna oraı 2 myńnan astam adam bosatylyp, 11 myńnan astamazamattyń jaza merzimi qysqarǵan bolatyn, - dedi ol.

Alaıda bıyl elimizde úlken tarıhı qadam jasalǵaly otyr. Jańa Konstıtýsıamyzdyń qabyldanýyna baılanysty, Qazaqstan tarıhynda tuńǵysh ret ákimshilik amnıstıa daıyndalyp otyr.

Bul bastama halyqtyń moınyndaǵy aıyppuldar men jeńil quqyq buzýshylyqtardyń júgin jeńildetýdi kózdeıdi. Bul – memlekettiń azamattarǵa qol ushyn sozyp, jańa paraqtan bastaýǵa múmkindik berýi. Bul ákimshilik zańnamany gýmanızasıalaýdyń alǵashqy ǵana qadamy dep esepteımin. Eger bul shara is júzinde óziniń oń nátıjesin kórsetse, aldaǵy ýaqytta ákimshilik amnıstıa aýqymyn odan saıyn keńeıtý máselesin qarastyra alamyz, - deıdi depýtat.

Eń bastysy – bul akt azamattarymyzdyń jiberilgen qatelikterdi túsinýine, quqyqtyq mádenıettiń artýyna jáne bolashaqta zań buzýshylyqtardyń aldyn alýǵa septigin tıgizedi.