Qazaqstan Respýblıkasy Prezıdenti Qasym-Jomart Kemeluly Toqaevtyń kitap oqý mádenıetin damytý jáne «Zerdeli ult» qalyptastyrý jónindegi bastamalaryn qoldaý maqsatynda uıymdastyrylǵan bul joba qoǵamda rýhanı-tanymdyq qundylyqtardy dáripteýge, jas urpaqtyń kitap oqýǵa degen qyzyǵýshylyǵyn arttyrýǵa, olardyń synı jáne shyǵarmashylyq oılaý qabiletterin jetildirýge, sondaı-aq kitapsúıer jastardyń belsendi ortasyn qalyptastyrýǵa baǵyttaldy.
Barshańyzdy «Artyq bilim – kitapta» oblystyq baıqaýynyń qorytyndy kezeńimen shyn júrekten quttyqtaımyn!Bıylǵy 16 mamyrda Prezıdenttiń «Kitap oqý mádenıetin damytý jáne zerdeli ult qalyptastyrý jónindegi sharalar týraly» Jarlyǵy qabyldanyp, elimizde kitap oqý mádenıetin damytý, jańa formattaǵy kitaphanalar ashý, otandyq qalamgerler men baspa isin qoldaý memlekettik saıasattyń mańyzdy baǵyty retinde aıqyndaldy,- dedi Oljas Túsipbekuly.
Atalǵan is-sharany Abaı oblysynyń bilim basqarmasy, Abaı oblysynyń jastar saıasaty máseleleri jónindegi basqarmasy, «Assyltas» qory jáne «OQU CLUB» uıymy birlesip ótkizdi. Jobanyń jalpy júlde qory 2 700 000 teńgeni qurady. Sonymen qatar, baıqaýdyń bas júldesi retinde quny 6 500 000 teńge bolatyn avtokólik tabystaldy.
- Men «Artyq bilim – kitapta» oblystyq baıqaýyna qatysyp, óz bilimimdi synap, kóptegen jańa málimetter aldym. İs-shara barysynda kitap oqýdyń mańyzyn tereń túsinip, ózim sıaqty kitapsúıer jastarmen tanystym. Uıymdastyrýshylarǵa osyndaı taǵylymdy joba ótkizgenderi úshin alǵysymdy bildiremin. Bul baıqaý meniń kitap oqýǵa degen qyzyǵýshylyǵymdy odan ári arttyrdy,- dedi qatysýshy Aızere Saılaýbek.
Baǵdarlama aıasynda qatysýshylar men qonaqtarǵa arnalǵan birqatar mádenı-tanymdyq is-sharalar uıymdastyryldy. Atap aıtqanda, kitap kórmesi
oqyrmandar klýbynyń arnaıy otyrysy,baspa uıymdary ókilderimen kezdesý,kitap oqý boıynsha ıntellektýaldyq baıqaý kezeńderi,qatysýshylar men qonaqtarǵa arnalǵan mádenı-tanymdyq alańdar jumys istedi.
Atalǵan joba kitap oqýdy nasıhattaýǵa, jastardyń zıatkerlik áleýetin arttyrýǵa, ulttyq qundylyqtardy dáripteýge jáne bilimdi, oıly urpaq tárbıeleýge óz úlesin qosty. İs-shara jastardyń kitapqa degen qyzyǵýshylyǵyn arttyryp, oqyrman mádenıetin damytýǵa baǵyttalǵan mańyzdy alańǵa aınaldy.
