Úkimet basshysy Kárim Másimov Aqtóbe oblysyna jumys saparmen bardy, - dep habarlaıdy Qamshy.kz Premer-mınıstrdiń baspasóz qyzmetine silteme jasap.
Premer-mınıstr oblys ortalyǵyna sapary barysynda 5 maýsym kúni bolǵan lańkestik oqıǵa kezinde qaza tapqan Merhan Tájibaevtiń, Mıhaıl Matrosovtyń, Nıkolaı Onıshenkonyń jáne Andreı Maksımenkonyń otbasynda bolyp, týystaryna kóńil aıtty.
Sondaı-aq, Kárim Másimov Jedel medısınalyq járdem aýrýhanasyna baryp, naýqastardyń ahýalymen tanysty. Premer-mınıstr lańkester shabýyldaǵan 6655 áskerı bólimine de bas suǵady dep kútilýde.
Jumys sapary barysynda Úkimet basshysy turǵyn úı kesheni men balabaqsha qurylysynyń barysymen, «Halyqqa arnalǵan úkimet» MK jumysymen tanysady, birqatar ónerkásip nysandaryn aralap, halyqpen kezdesetini aıtylýda.
