Feısbýk áleýmettik jelisinde Nurtalap Pernebek esimdi qoldanýshy óziniń Baıan Esentaeva kúıeýinen ajyrassa, oǵan úılenýge ázir ekenin bildirdi, - dep habarlaıdy Qamshy.kz.

«Áıgili prodúser Baıan hanymnyń jaǵdaıy el bolyp talqylanyp jatyr ǵoı. Jeke ózim ol kisimen tanystyǵym joq, biraq talantyn baǵalaımyn. Aman-esen aýrýhanadan saýyǵyp shyǵýyn tileımin. Endi jurt ony «Kúıeýimen ajyrasatyn boldy» dep júr. Áıeline qol kótergen erkektiń barar orny belgili ǵoı. Baıan hanym joldasymen ajyrasyp ketse, men ol kisini jar etip alýǵa daıynmyn. Eki qyzy da boı jetip otyr eken.

Ózim týraly aıtar bolsam, 34 jastamyn. Buryn úılenbegenmin. Boıymda kemshiligim joq. Almatylyqpyn, búginde Astanada turamyn. Jumysym turaqty. Tabysym da jaman emes», - degen ol jeli qoldanýshylaryn óziniń bul sózderin kúlkige aınaldyrmaýyn suraıdy.

Baıan Esentaeva (turmys qurǵanǵa deıingi famılıasy Muhıtdenova)– prodúser, ánshi, telejúrgizýshi. 1974 jyly týǵan. Shine Production prodúserlik ortalyǵynyń jetekshisi.

10 maýsym kúni B. Esentaeva soqqyǵa jyǵylyp, Almaty oblysy Talǵar aýdandyq aýrýhanasyna jatqyzyldy. Soqqyǵa jyqqan kúdikti retinde kúıeýi Baqytbek Esentaev qamaýǵa alyndy. Dárigerler prodúserdiń densaýlyǵy jaqsaryp keledi dep otyr.