UQK-nyń Aqtóbe oblysy boıynsha departamenti basshysy Nurlan Qydyrbaev oblysta salafızm aǵymyna ergender sany 1565 adamdy quraıtynyn aıtty. Onyń ishinde 90 adam "jıhadqa jaqyn" radıkaldar retinde tirkelgen kórinedi. Bul týraly Qamshy.kz Aktobe News – ke silteme jasap habarlaıdy.
UQKD basshysy oblysqa jumys saparymen kelgen Premer-mınıstr Kárim Másimovke lańkestikke qarsy shtabtaǵy jıyn kezinde aımaqtaǵy ahýaldy baıandady.
«Óńirde terakt jasaýshylardyń sybaılastaryn izdeý jumystary júrýde. Salafıtterdi baǵalaý úshin kóp kúsh kerek. Byltyr biz 32 salafıttiń betin beri qaratyp, teris aǵymnan qaıtardyq. Biraq, mundaı jumystar úshin saýatty teologtar men ımamdar jetispeıdi. Jergilikti kadrlardy daıyndaý kerek», - deıdi N. Qydyrbaev.
Departament basshysy sondaı-aq, 2015 jyldan beri Aqtóbe oblysynda 14 radıkaldyq toptyń qyzmeti toqtatylǵanyn, Qazaqstan aýmaǵynda jáne shet elderde qarýly aktiler ótkizýdi josparlaǵan 36 adam ustalǵanyn jetkizdi.
