2012 jylǵy London Olımpıadasynyń chempıondaryIlá Ilın, Zýlfıa Chınshanlo, Maııa Maneza men Svetlana Podobedova sporttyq saıystardan dopıng daýyna baılanysty shettetildi. Tórt sportshynyń da qaıtadan tapsyrǵan dopıng synamalarynan tyıym salynǵan quram anyqtalyp otyr, - dep habarlaıdy Qamshy.kz.
Qazaqstannyń aýyr atletteriniń Rıo Olımpıadasyna qatysý, qatyspaý máselesin tártiptik keńes shesheji. Halyqaralyq Olımpıada komıtetiniń tártiptik keńesi jaqyn kúnderi ótedi. Tórt aýyratlettiń taǵdyry sol keńeste sheshiledi.
Búkilálemdik dopıngke qarsy agenttik kodeksine saı, ár sportshy óz aǵzasyna túsken zattar úshin jeke jaýap beredi. Sonymen birge, sportshy ózine qatysty kez-kelgen sheshimge apelásıalyq shaǵym túsirýge quqyly.
«Qazaqstannyń aýyr atletıka federasıasy QR Ulttyq Olımpıada komıtetimen, Mádenıet jáne sport mınıstrligimen birge sportshylarǵa osy prosestiń barlyq satylary men deńgeılerinde ózderiniń zańdy quqyqtaryn qorǵaýy úshin qajetti quqyqtyq kómek kórsetedi», - delingen federasıa taratqan habarlamada.
