Eki dúrkin Olımpıada, tórt dúrkin Álem chempıony, aýyratlet Ilá Ilın dopng daýyna qaramastan Rıo-de-Janeıroda ótetin Olımpıadaǵa daıyndyǵyn jalǵastyra bermek, - dep habarlaıdy Qamshy.kz.

Ol bul týraly óziniń ınstagramdaǵy paraqshasynda jazdy.

«Búgingi aqparat men úshin tóbemnen jaı túskendeı boldy. Aýyratletıka Halyqaralyq federasıasynyń erejesine saı, men týraly barlyq aqparat ADAMS júıesinde, ıaǵnı, meniń ár kúnim saǵat boıynsha, qaıda júretinim barlyǵy kórsetilgen. Bul jattyǵý ýaqytyna da, jeke demalysyma da qatysty. Meni Antıdopıngtik agenttik baqylaýshylary kez-kelgen ýaqytta kelip teksere alady, men olar úshin ashyqpyn. Bıyldyń ózinde eki ret, Polshada jáne Almatydaǵy jıynda dopıng baqylaýdan óttim», - degen ol óziniń 2004 jyldan beri dopıng-synamalar tapsyrǵanyn, eshbiriniń dopıng qabyldaǵanyn dáleldeıtin nátıje kórsetpegenin aıtqan.

«Men Rıo Olımpıadasyna daıyndyqty jalǵastyra beremin, aıaǵyna deıin barýǵa bekindim. Sport basshylyǵy proseske barynsha qosylyp jatyr, maýsymnyń sońyna deıin nátıje bolady dep oılaımyn. Meniń Olımpıadaǵa qatysýǵa ótinish berý úshin shildeniń ortasyna deıin ýaqytym bar», - deıdi I. Ilın.

Sportshy jazbasyn «Qandaı sheshim qabyldansa da men ózimniń az ǵana ómirimniń 20 jylǵa jýyǵyn sport zalda jattyǵýmen ótkizgenimdi bilgenderińizdi qalaımyn. Men kúnine úsh retten aýyr jattyǵýlar jasadym. Óz elim, halqym aldyndaǵy moınyma artylǵan jaýapkershilikti sezindim, árqashan tek jeńis úshin kúrestim. Osy jyldar ishinde, qıyndyqta da, qýanyshta da Sizder meni qoldadyńyzdar. Qazir de Sizderdiń qoldaýlaryńyzǵa úmittenemin. Ózderińizdiń Ilálaryńyz» dep aıaqtaǵan.

Buǵan deıin qazaqstandyq tórt birdeı aýyratlettiń sportpen shuǵyldanýyna shekteý qoıylǵany týraly habarlaǵan bolatynbyz.