Almatyda áskerı bilimdi jetildirý jáne áskerı mamandardy daıarlaý boıynsha áskerı oqý jıynynan ótkizý úshin áskerı mindettilerdi (zapastaǵy ofıserlerdi, sarbazdardy, serjanttardy) irikteý jumystary bastaldy, - dep habarlaıdy Qamshy.kz.
Áskerı jıynǵa áskerı mindettilerdi shaqyrý Almaty qalasynyń qorǵanys isteri jónindegi departamenti jáne onyń qurylymdyq bólimshelerimen uıymdastyrylmaq.
Áskerı oqýǵa áskerı mindettilerdi shaqyrýdy ótkizý Almaty qalasynyń jergilikti áskerı basqarý organdarymen birge daıyndyq jumystary júrgizilýde.
Atalǵan jıynnyń negizgi maqsaty - áskerı bólimniń jaýyngerlik jumyldyrý ázirligin kúsheıtý, daıyndaý, arttyrý maqsatynda aýdandarda soǵys ýaqytynda jıyntyqtaý jáne jumyldyrý, jasaqtaý kezinde Qazaqstan Respýblıkasynyń Qarýly Kúshterin, basqa da áskerleri men áskerı qurylymdaryn áskerı mindettilermen qamtý kezinde qajetti áskerı-oqý resýrstaryn qorda ustaý bolyp tabylady. Osy áskerı jıynǵa 200-deı adam Almaty qalasynan shaqyrylady. Sonymen birge jıynnyń eń mańyzdy ereksheligi jıynǵa qatysatyn áskerı mindettiler jatyn orynmen qamtamasyz etilip, jumys jasaıtyn azamattarǵa jalaqy ótemaqysy tólenedi.
Jıynǵa shaqyrylǵan áskerı mindettilerdi barlyǵy kazarmalyq jaǵdaıda bolyp, barlyq zattyq jáne azyq-túlikpen qamtamasyz etý Qazaqstan Respýblıkasy Qorǵanys mınıstrliginiń qarajatynan júrgiziledi. Áskerı oqý jıyny kezinde áskerı mindettilerdiń jumys orny men atqaratyn laýazymy saqtalyp, respýblıkalyq búdjet esebinen ortasha aılyq jalaqy tólenedi.
Jıyn «Ońtústik» óńirlik basshylyǵynyń bólimderinde jáne Qurlyq áskerleri áskerı ınstıtýtynyń bazasynda medısınalyq salanyń mamandaryn,qgranata laqtyrýshylardy, snaıperlerdi, mergenderdi, tankısterdi, pýlemetshilerdi, vzvod komandırlerdi daıyndaý boıynsha ótkiziledi. Áskerı jıyn aıaqtalǵannan keıin jıynda jaqsy jaǵynan kózge túsken jáne áskerı daǵdylardy úzdik meńgergen áskerı qyzmetshiler madaqtama qaǵazymen marapattalyp, olarǵa kezekti áskerı ataq berý qarastyrylady.
Qarlyǵash Musabekqyzy
Almaty qalasynyń jergilikti áskerı basqarý organdarynyń baspasóz hatshysy
