Halyqaralyq aýyr atletıka federasıasy (IWF) qazaqstandyq aýyr atletterdiń – Londondaǵy 2012 jylǵy Olımpıada oıyndary jeńimpazdarynyń dopıng-synamalarynyń ekinshi saraptamasynyń nátıjesin óz saıtynda jarıalady, -  dep habarlaıdy Qamshy.kz prosportkz.kz-ke silteme jasap.

Londondaǵy 2012 jylǵy Olımpıada oıyndary jeńimpazdarynyń dopıng-synamalarynyń ekinshi saraptamasynyń nátıjesinde Halyqaralyq aýyr atletıka federasıasy qazaqstandyq sportshylardyń qanynda tómendegi zattar tabylǵanyn habarlady:

Svetlana Podobedova (KAZ) - (S1.1 Anabolıalyq agent) Stanozolol SAZANAVETS, Dzina (BLR) - Drostanolon, Stanozolol (S1.1 anabolıalyq agent)

Maıa Maneza (KAZ) - (S1.1 Anabolıalyq agent) Stanozolol

Ilá Ilın (KAZ) - Dehydrochloromethyltestosterone, Stanozolol (S1.1 anabolıalyq agent)

Zýlfıa Chınshanlo (KAZ) - Oksandrolon, Stanozolol (S1.1 anabolıalyq agent).

Erejelerge sáıkes, dopıngke qarsy erejelerdi buzǵan sportshylardy Federasıa olardyń isi jabylǵansha sporttan shettetedi.

Federasıa jaqyn arada Beıjińdegi Olımpıada júldegerleriniń synamalaryna qaıta júrgizilgen saraptama nátıjesin habarlaıdy. Eger sportshylardyń dopıngke qarsy erejelerdi buzbaǵany anyqtalsa, tıisti sheshim qabyldanady.

Federasıa bul ister jabylǵansha olar boıynsha aqparatqa esh málimdeme jasamaıdy.

Eske sala ketsek, Ilá Ilın men Zúlfıa Chınshanlodan London Olımpıadasy kezinde alynǵan dopıng-synamalarda tyıym salynǵan zattardyń bolǵany týraly sheteldik BAQ 4 maýsymda habarlaǵan.

Búgin olardyń sporttyq jattyǵýlardan shettetiletini málim boldy.