Ál-Farabı Ǵylymı Kitaphanasynda JSHS «Ulttyq akredıtasıalaý ortalyǵy» ókilderiniń qatysýymen Halyqaralyq akredıtasıalaý kúni negizinde «Akredıtasıalaý – qoǵamdyq múddeni qoldaýdyń jahandyq quraly» taqyrybynda dóńgelek ústel uıymdastyryldy, - dep habarlaıdy Qamshy.kz.

JSHS «Ulttyq akredıtasıalaý ortalyǵynyń» bas dırektory Qurmanǵalıev Serik Sholpankululy dóńgelek ústeldi asha otyryp Qazaqstan Respýblıkasynyń akredıtasıalaý júıesiniń damý keleshegi men qazirgi jaǵdaıyn baıandaı otyryp, qyzmettiń barlyq salalaryndaǵy standarttardy qoldaný jáne metrologıa erejelerin saqtalýy  naryqqa shyǵýynda ónimniń básekege jaramdylyǵynyń basty sharty bolyp tabylatynyn aıta ketti.

Ǵylym jáne ınovasıalyq qyzmet jónindegi prorektor Tlekqabýl Ramazanov dóńgelek ústelde qatysa otyryp, ýnıversıtettiń ǵylymı-zertteý zerthanalarynnyń QR, sondaı-aq halyqaralyq deńgeıde  akredıtasıalaý júıesinde zerthanalardy akredıtasıadan ótkizýdi jalǵastyrý kerektigin jáne onyń mańyzdylyǵyn atap óte, ýnıversıtettiń akredıtasıa salasynda yntymaqtastyǵyn nyǵaıtýǵa daıyn ekendigin aıtty.

Osylaısha dóńgelek ústel barysynda ál-Farabı atyndaǵy QazUÝ men JSHS «Ulttyq akredıtasıalaý ortalyǵy» arasynda  ǵylymı-zertteý zerthanalaryn akredıtasıadan ótkizý, tehnıkalyq aqparat almasý, kadrlardy daıyndaý, sonymen qatar  zerthanalardy akredıtasıadan ótkizýge daıyndaıtyn qyzmetkerlerdiń biliktiligin arttyrý aıasynda memorandýmǵa qol qoıyldy.

Dóńgelek ústelde qyzmetteri metrologıa erejelerin saqtaýǵa jáne standarttardy saqtaýǵa týra jáne janama qatysy bar túrli uıymdardyń basshylary JSHS «InterCert Sertıfıkasıalaý ortalyǵy», RMK «QazMetrIn», AQ «NOBEL» jáne t.b. qatysty. Qatysýshylar sanatynda ál-Farabı atyndaǵy QazUÝ-ń qyzmetkerleri jáne fızıka-tehnıkalyq fakúltetiniń  «Standarttaý, metrologıa jáne sertıfıkttaý» mamandyǵynyń stýdentteri men magıstranttary boldy.