QR Premer-Mınıstri Kárim Másimov «Atameken» QR Ulttyq kásipkerler
palatasynyń İİİ sezi kezinde bolashaqta álem ekonomıkasyn ózgeristerge ushyratýy múmkin negizgi jahandyq trendterdi atady, - dep habarlaıdy Qamshy.kz.
«Men óte kóp nárseni ózgerte alatyn negizgi úsh trend bar dep oılaımyn. Biz sizdermen aldaǵy 10 jyl ishinde dástúrli emes kózderden, birinshi kezekte kúnnen alynǵan elektr energıasynyń quny eń keminde kómirsýtekterden alynatyn elektr energıasynyń quny deńgeıinde, múmkin, tipti, odan arzan bolatyn bolady dep oılaımyn. Mysaly, Birikken Arab Ámirlikterinde elektr stansasyn kim salatynyna tender ótkizgen, al memleket birden bir satyp alýshy bolady. Bizde de biryńǵaı satyp alýshy operator qurylýda, ol 2019 jumys isteı bastaıdy. Mundaıda elektr energıasynyń quny 3 sentti quraıdy, bul múldem basqasha baǵa», - dedi K.Másimov.
Sonymen qatar Premer-Mınıstr kún batareıalary naryǵynyń qarqyndy damýy men avtomobıl qurastyrý salasynyń ózgergenin atap ótti.
«Avstralıada, AQSH-ta jańa plasınalar, kún batareıalary paıda bolyp jatyr, olardy úılerdiń shatyrlaryna qoıýǵa bolady – bul birinshi másele, ekinshi másele – jańa tehnologıanyń kómegimen úıdiń jertólesine jańa batareıa qoıýǵa bolady, ıaǵnı úı syrtqy kózderden energıa alýǵa táýelsiz bolady, munyń nátıjesinde elektr stansalarynda, turǵyn úı-kommýnaldyq sharýashylyqta basqa da ózgerister oryn alady. Bul bizdiń elimizde 10 jyldan keıin emes, 15 nemese 20 jyldan keıin bolsa da, bul bizdiń ekonomıkamyzdyń búkil qurylymyna qalaı yqpalyn tıgizedi?!
Damıtyn úshinshi baǵyt — bul avtomobıl jasaý salasynyń ózgerýi. Qalasaq ta, qalamasaq ta, avtomobıl basqasha bolady. Qazir biz bir elden keıin bir eldiń dızeldik avtomobılderden bas tartyp, batareıamen júretin avtomobılderge kóshý týraly sheshim qabyldap jatqanyn kórip otyrmyz. Bul
oryn alǵan jaǵdaıda, ne isteýimiz kerek, munaı óndiretin zaýyttar boıynsha, bizdiń dástúrli avtomobıl jasaý boıynsha sheshimder qalaı qabyldaýymyz kerek? Buǵan deıin áli ýaqyt bar sıaqty, biraq 10-15 jyl degenimiz jyldam óte shyǵady, sondyqtan biz birige otyryp osy saýaldarǵa jaýap tabýymyz kerek», - dedi K.Másimov.
