Talǵar aýrýhanasynda jatqan prodúser Baıan Esentaevanyń densaýlyq jaǵdaıy jaqsaryp keledi, - dep habarlaıdy Qamshy.kz.

Densaýlyǵy jaqsarǵanymen B. Esentaeva jansaqtaý bóliminen ádettegi palataǵa aýystyrmaıdy. Dárigerler mundaı sheshimge prodúserdi artyq mazalaýshylardan qorǵaý úshin barypty.

«Syndarly kezeń artta qaldy. Densaýlyq qalpyna kelýge bet aldy. Naýqas ózin jaqsy sezinedi. Turyp, palata ishinde júrip júr. Senbi kúni shyǵaryp qalýymyz múmkin», - deıdi Talǵar aýdandyq aýrýhanasy dırektorynyń emdeý isi jónindegi orynbasary Erbol Sársenbaev.

«Ol óte myqty áıel eken. Mynadaı jaraqatty erik, jigeriniń kúshtiligimen jeńip shyqty. Eshteńege shaǵymdanǵan joq», - deıdi E. Sársenbaev naýqastyń jaǵdaıyn aıta kele.

Alaıda, aýrýhanadan shyqqan Baıan Esentaevanyń densaýlyǵy birjola jaqsaryp, jaraqatynan aıyǵyp ketti deýge bolmaıdy. Almaty oblystyq densaýlyqsaqtaý basqarmasyndaǵylar aýrýhanadan shyqqan soń prodúserdiń em qabyldaýdy basqa mekemede jalǵastyratynyn aıtyp otyr.

Esterińizge salsaq, 10 maýsym kúni prodúser soqqyǵa jyǵylyp, aýrýhanaǵa túsken bolatyn. Polısıa negizgi kúdikti retinde sol kúni onyń kúıeýi Baqytbek Esentaevti qamaýǵa aldy. Oǵan qazir qasaqana kisi óltirmek boldy degen aıyp taǵylýda.