Premer-mınıstr Kárim Másimov búgin Parlament palatalarynyń birleken otyrysynda el azamattaryna 10 sotyq jer berý máselesine qatysty pikirin bildirdi, - dep habarlaıdy Qamshy.kz.
El ekonomıkasynyń jaǵdaıyna qatysty qoılyǵan depýtattardyń suraqtaryna jaýap bergen premer jer máselesin de aınalyp óte almady.
«Ekonomıkany damytý úshin atqarylatyn jumystyń biri turǵyn úı qurylysyn odan ári ulǵaıtý. Bul baǵdarlamadaǵy jańa baǵyttyń biri jeke turǵyn úı qurylysy úshin oblys ákimdikteri arqyly ınfrastrýktýra júrgizý», - degen ol sońǵy kúnderi jer máselesine qatysty pikir-taslastyń kóp ekenine toqtaldy.
«10 sotyq jer berý máselesi, eger ol jerler ınfraqurylymmen qamtamasyz etilgen bolsa, bul máseleni sheshýge oń yqpal eter edi. Sondyqtan, resýrstardyń bir bóligi jeke turǵyn úı qurylysynyń ınfraqurylymyn damytýǵa baǵytalady», - dedi K. Másimov.
