Astana İİD ókilderi esirtki satýmen aınalysqan adamdy ustaý sáti túsirilgen vıdeo jarıalady, - dep habarlaıdy Qamshy.kz Tengrinews.kz – ke silteme jasap.

İİD Esirtkige qarsy kúres basqarmasynyń qyzmetkerleri kınologıalyq qyzmet ortalyǵynyń ókilderimen birge Esil qalasynda Aqmola oblysynyń 50 jastaǵy turǵynyn ustady. Ol elordada esirtki satýmen aınalysqan eken. Er adamdy tárkileý kezinde salmaǵy 3 keli 500 gram bolatyn esirtki jáne qarý-jaraqtar tabyldy.

Sonymen qatar, 15 maýsymda qarýly shabýyl jasaýmen aınalysqandar ustaldy.

"15 maýsym kúni jekemenshik úılerdiń birine shabýyl jasap, ishinde 38 myń dollar qarajat jáne quny 300 myń dollar bolatyn áshekeı buıymdar saqtalǵan seıfti urlaǵan úsh adam ustaldy. Olar úı ıelerin tapanshamen qorqytqan. Ustalǵandardyń Jambyl oblysynan kelgeni, sonymen qatar, buǵan deıin de sotty bolǵany anyqtaldy", - delingen habarlamada..