Ýaqyttan syrtyldap til shyǵyp tur,

Jańa zaman jańadan tirshilik qyl.

Keshe babam ekken tal qýrap baryp,

Qaıta kóktep dál qazir búr shyǵyp tur. . .

Tarıhytyń albomyn jasap jatqan,

Mas taǵydyrlar aldydan ashar qaqpan.

Qazaqstan Aralap aımaǵyńdy,

Qaıyratymdy bereıin tas aýnatqan.

San ǵasyryn saralap alyp ketken,

Jylaǵan talaı ólip ǵaryp kóktem.

Táńir taýdyń tasyna tamyr tartqan,

Men qazaqtyń qanymyn tamyp jetken.

Taýlaryna bas urǵan bar zańdylyq,

Bórisi jur átteń-aı sarsańda ulyp.

Toǵaıyńda tosyrqap adasqanmen,

Júrsem súıip tamyrly arshańdy qut.

Jyldarǵa orap jymsqy kúıbeńimdi,

Kúnderge orap kóńilsz kúılerimdi.

Mezgilderdiń mezettik masaıyraýy,

Saǵymdaryn súıretip bılep jurdy.

Baıtaq dala buıyrǵan mańdaı jaryq,

Ata-meken ańsaımyn tańdaı qaǵyp.

Jetermin jeldeı esip súıe qushyp,

Tiri qazaq ólsinbe, barmaı qalyp?!

Ýaqyttyń tisinde shaınalyp kóp,

Babalar ótken eken aılanys joq.

Bar qazaqqa shaqyrtý tabaq tartyp,

Barǵandarǵa kel dediń qaımaq ish dep.

Az ǵumyrdy jel-ýaqyt jemirip jur,

Qashan mursat beredi tegi qurǵyr.

Mıllıon qazaq halqynyń qushaǵy ashyq,

Bórimiz ǵoı qashanda tegimiz bir.

Óshirmeı shyraqtaryn tirlgimniń,

Arnaımyn baǵyzy baq jyrdyń gúlin.

Qazaqstan qarsy alyp aldymnan shyq,

Barady qaıta aınalyp bir qulynyń.

2016. 6. 17.

Eı, adamdar!

Eı, adamdar!

Ómirde tyrbynyńdar,

Tyrbynyńdar, oılanyńdar quldyǵym bar!

Sekeńdep or qoıandaı ketken mınot,

Toqtamaıdy kórsetip shyndyǵyn dál.

Jalǵandyqtan kózdegen paıdany kóp,

Jamandyqtar mes qaryn oılamy joq.

Tynysh jatqan keń dala bolǵanymen,

Jaqsylqsyz Adamnyń aımaǵy joq.

Surqıalyq Sustansa adaldyqqa,

Arashalap jaladan ala aldyqpa?

Betke urady namyspen ujdan kúıip,

Eı adamdar jol alsań haramdyqqa.

İzgiliktiń mahabbatpen joly birdeı,

Adasqan adamdar-aı sony bilmeı.

Shynaıylyq shyńǵyrsa shyńyraýda,

Jalǵandyqtar jer qushar jóni kelmeı.

Qyzyl tilden sorǵalap kúnalari,

Ósekter jeldeı eser quramaly.

Imanynyń qunyn bilmes júrekter bar,

Alladan baılyq qana suraǵany.

Shyǵa almaımyz taǵydyrdyń ýysynan,

Tamshylatyp jańbyryn bý ushyrǵan.

Adamdar eregeske tańyrqama,

Jaratqan qaıshylqtan týmysyńnan.

Mártebe men mansapqa júgirgen el,

Biriń sharqysh bolsańda biriń kemel.

Paıda izdep tirlkte júgirgenmen,

Ólgensóń biz kórmedik tirlgen el.

Aǵyzyp meıirimniń aq bulaǵyn,

Máńgi ólmestiń adamdar tap turaǵyn.

Jamandyqty kókpar ǵyp taqymyńa,

Jaqsylyqty tulpar ǵyp shapqyla myń.

2016. 6. 16.

Nurlan Ermekbaı