Keshe Almatyda jaýyn jaýdy. Uzaq kúngi ystyqtan keıingi jańbyrǵa jurt qýansa kerek edi. Qýana almady. Qýana almaǵan sebebi qalanyń komýnaldyq júıesi jańbyr sýyna daıyn bolmaı shyqty, - dep habarlaıdy Qamshy.kz.

Kóshe boıyndaǵy aryqtar erneýinen asyp, aıaqjoldardy sý basty. Saı-sala túgel sýǵa toldy. Tipti metro stansasyna deıin sý kirip, jolaýshylarǵa qolaısyzdyq týdy.

Memlekettik baǵdarlamamen salynǵan «Alǵabas» yqshamaýdanyndaǵy úılerdiń de jaǵdaıyn myna jańbyr áshkereleýde. Úılerdiń tóbesi jańbyr sýyna tótep bere almady. Sońǵy qabatta turatyn turǵyndar úıleriniń páterlerinde nóser jaýyn bolǵanyn aıtýda. Internetke júktelgen vıdeo men fotoda esep joq.

«Alǵabastan» bólek qalanyń «Shańyraq», «Ójet», «Darhan» syndy jer úıler de jańbyr sýynyń qursaýynda qalyp otyr.  

Al, sınoptıkter jaýynnyń ázir toqtamaıtynyn aıtýda...