Jańadan qurylyp jatqan «Ádilet» partıasy jıi qoıylatyn suraqtarǵa jaýap berdi dep jazady Qamshy.kz aqpaat agenttigi.

Nelikten jańa partıa quryp jatyrsyzdar?

Jańadan qabyldanǵan Konstıtýsıa Qazaqstan qoǵamyn zaman talabyna saı jańartýǵa erekshemúmkindik beredi. Biz osy múmkindikti paıdalanyp, Ádiletti Qazaqstandy qurý jáne ony nyǵaıtý úshin barlyq jasampaz, jaýapty azamattardyń kúsh-jigerin biriktirgimiz keledi.

Bizdiń ádildik, patrıotızm, eńbekqorlyq, jaýapkershilik jáne progreske arqa súıeıtin qundylyqtarymyz mıllıondaǵan qazaqstandyqtarǵa ortaq.

Biz árbir qazaqstandyq óziniń kúsh-jigerin júzege asyra alatyn, quqyqtary men bostandyqtary Jańa Konstıtýsıamen tolyq qorǵalatyn, qýatty, gúldengen, progresıvti, bedeldi Qazaqstanda ómir súrgimiz, eńbek etkimiz, balalarymyzdy tárbıelegimiz keledi.

Sizderdiń negizgi aýdıtorıańyz kim?

Biz Jańa Konstıtýsıany qoldap, daýys bergen jáne onyń naqty júzege asýyn qalaıtyn mıllıondaǵan qazaqstandyqtardyń kúshin biriktirgimiz keledi.

Bizdiń aýdıtorıamyz – bul ǵylymǵa, bilimge jáne mádenıetke kún saıyn úles qosyp júrgen jaýapty da bilikti adamdar. Bul – qoǵamnyń ál-aýqaty men órkendeýine eńbek etip júrgen azamattar. Bul – elimizdiń dáýletin arttyratyn kásipkerler. Bul – el bolashaǵy sanalatyn jastar. Bul – Qazaqstannyń bolashaǵyna senetin jáne soǵan eńbek etýge daıyn barshamyz.

Partıa qurý ıdeıasy kimge jáne qashan keldi?

Jańa Konstıtýsıa jobasyn daıyndaý barysyndabirlese jumys isteı júrip, biz negizgi zańda kózdelgen progresıvti reformalardy júzege asyrý joldaryn udaıy talqylap otyrdyq.

Biz Ádiletti Qazaqstandy qurý men ony nyǵaıtýúshin jańa saıası uıym qajettigin túsindik. Ol uıym reformalardy qoldaýshylardy biriktirip, olardyń saıası tiregine aınalýy tıis.

Biz – Jańa Konstıtýsıanyń partıasymyz. Biz Konstıtýsıa qaǵıdattarynyń tolyq iske asýy jáne barlyq onyń qatań saqtalýy úshin qurylatyn partıamyz.

Biz Prezıdent Qasym-Jomart Toqaev aıqyndaǵan jáne júıeli túrde iske asyryp kele jatqan reformalardyń tolyq jáne jan-jaqtyoryndalýyn qamtamasyz etý úshin qurylyp otyrmyz.

Biz mıllıondaǵan qazaqstandyqtardy biriktirip, eldiń jetekshi saıası kúshine aınalamyz.

Sıezi qashan ótkizýdi josparlap otyrsyzdar?

«Ádilet» partıasynyń quryltaı sezi mamyr aıynyń basynda ótedi.

Partıaǵa qalaı kirýge bolady?

Jaqyn arada biz árbir qazaqstandyq onlaın túrde múshelikke ótinish bere alatyn platformany iske qosamyz.