• USD 476.89

  • EUR 462.2

  • RUB 8.31

  • CNY 66.64

30 Қыркүйек, 19:41:25
Алматы
+8°

Президент Қасым-Жомарт Тоқаев Қазақстан халқына үндеу жолдап, кезектен тыс президент сайлауы өтетін күнді мәлім етті.

Президент биылғы жыл жан-жақты реформалар мен нақты өзгерістер жылына айналды деп санайтынын жеткізіп жүзеге асырылған өзгерістерді санамалап өтеді. Олардың қатарында мәжіліс пен мәслихаттар жаңа аралас жүйе бойынша жасақталатыны, депутаттардың бір бөлігі партиялық тізіммен, қалғаны бір мандатты округтен сайланатыны, конституциялық сот құрылғаны, кейбір құзыреттер президенттен парламентке берілгені сияқты билікшіл сарапшылар саяси реформаға балайтын, тәуелсіз сарапшылар саяси реформа имитациясы деп атайтын өзгерістер бар. 

"Жалпы, соңғы үш жылда жасалған өзгерістер мен конституциялық реформа мемлекеттік-саяси құрылымның жаңа үлгісін қалыптастырды. Халық біздің саяси жүйені өзгерту туралы жоспарымыздың мән-маңызын жақсы түсініп отыр. Сондықтан мен бұған дейін айтылған сайлаудың мерзіміне және Ата заңның талаптарына сәйкес, Қазақстан Республикасы Президентінің кезектен тыс сайлауын 2022 жылғы 20 қарашада өткізу туралы Жарлыққа қол қойдым. Осы науқан елдің бүкіл саяси жүйесін түбегейлі өзгертетін сайлау кезеңін бастап береді. Сол арқылы экономиканы тұрақты дамытуды, халықтың әл-ауқатын арттырып, тұрмыс сапасын жақсартуды көздейтін ұзақ мерзімді міндеттерді жүзеге асыруға мүмкіндік туады" деген ол көп ұзамай қоғамға сайлау алдындағы тұғырнамасын ұсынатынын хабарлады.

 

"Қамшы" сілтейді
Ілмек сөздер: сайлау

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір