Жыл сайын дәстүрлі түрде өтетін «Өнер барысы» мегажобасында Әзімбек Байлин қарсыласы Аян Өтепбергенді жеңіп, жеңімпаз атанды.
Биыл өнер додасында құрыштай шыныққан сайыпқырандардың саңлағын анықтайтын «Өнер барысы» 7-рет өткізілуде. Жетінші рет өтіп жатқан дүбірлі додада өнер майталманы Әзімбек Байлин чемпион атанып, өзін басқа қырынан танытты.
Әзімбек Байлин ел арасында рухты әндерді орындайтын өнерлі топ ретінде танылған "Алашұлы" тобының экс-солисті. Сондай-ақ ол әншілік пен тамадалық қызметті де қатар алып келеді. Оның жинақ альбомында халықты жігерлендіретін "Арғымақ", "Айда бала, Шабандоз", "Намысы биік бабаларым-ай", "Алаш баласы" атты әндерімен танымал.
Пікір қалдыру