"Respublica" партиясы ресми түрде тіркелді

Танымал медиа тұрғалар мен кәсіпкерлер бастаған "Respublica" партиясы ресми тіркеуден өтті. Бұл туралы партия төрағасы Айдарбек Ходжаназаров хабарлады. 

"Достар, сүйінші! Біздің ресми өкіліміз Астана қаласының ХҚКО-ның бірінде Respublica партиясының тіркеу құжаттарын қолына алды. Енді біз – еліміздің жаңа, ресми тіркелген саяси күшіміз! Бұл ұзақ апталар мен айлап күткен және бірнеше рет тіркеуге жіберілмеген сәтсіздіктерден кейінгі – ортақ ортақ жеңісіміз! Алайда, бұл сынақтар бізге тек қана күш берді", деп жазды ол. 

"Respublica" партиясы былтыр тамыз айында құрылған. Партия құрамында Сырымбек Тау, Руслан Берденов, Максим Барышев, Динара Шөкижанова, Қуаныш Шонбай, Бейбіт Әлібеков және Нұрлан Қоянбаев секілді кәсіпкерлер мен медиа тұлғалар бар. Партияға  ауыл шаруашылығы өндірушісі, "Олжа Агро" компаниясының басшысы Айдарбек Ходжаназаров төрағалық етеді.