Тарихтың тереңіне кетіп бара жатқан сұрапыл соғыстың  ызғары әлі күнге дейін басылмаған секілді. Соғыстың бір ұшқыны қазіргі  қазақ қоғамын шарпып тұр. Соғыс жылдары қалың қазақ  қанмайданда оққа ұшса, ұрпақтары сол соғысты еске түсірер георгий лентасының дауына шырмалуда. Жеңіс күнінің белгісі болып саналатын георгий лентасын Ресей  әскері мен ұлтшылдары Украина қарсы шараларында тағып шығуы - бұл лентаға басқыншыл сипат берді. Тіпті,  лентаны орыс империализмінің көрінісі деп бағалады. Бұл туралы сайтымыздың алдыңғы шығарылымында жазған  болатынбыз  (http://qamshy.kz/?p=9944)

- Намыс қой намыс. Киноларды көріп отырсаң жеңген тек орыстар сияқты. "За нами Москва! Где русские, там победа" деп Георгий лентасын тағып алып жүргендері. Қазақтан ресми дерек бойынша сол II дүниежүзілік соғыста 600 мың адам өлді ғой. Оларды неге құрметтемейміз? Ал сол георгий лентасын XVIII ғасырда Ресей патшасы "Орта Азияға жорығы үшін" деген медальдың таспасы ретінде алғаш рет пайда болды. Сонда біздің ата-бабамызды қырғандарды қырылғандардың ұрпағы әспеттеуі керек пе?! Бұл мәңгүртизм. Стокгольм синдромынан сорақы дүние. "Мәңгүрт синдромы" деген тіркес енгізетін уақыт келді. Қысқасы өз-өзіңді жаттай сыйла, жат жанынан түңілер дегенді ұмытпағанымыз жөн. Сондықтан ойлап таптым. Достарыма көрсеттім. Бірінші болып ақыл қосқан Бақыт Мұхтар деген жігіт. Содан кейін достарым Қасым Аманжол мен Мұхтар Тайжан қолдады. Астана әкімдігі мата етіп шығарыпты.Оларға ризамын.  Кейін 31-мамырға арнап бәріміз бірігіп, қара және көк жолақты аза бау немесе қаралы таспаны да ойлап шығардық. Ал оны мата ретінде шығаруға Мұхтар демеуші болды. Былтыр тараттық. Биыл Алматы болмаса да, Астана әкімдігі қолдайтын шығар. Былтыр ОҚО әкімдігінен Берік Уәли қолдаған-ды.

-  Иә, бірақ алғашында осы оюлыны жасадым. Уақыт тығыз болып,   елге таныстырып үлгермедік. Ал қара мен көк жолақты одан кейін келе жатқан 31-мамыр - қуғын-сүргін құрбандарын еске алуға арнадық. Қара қайғыны, қара бұлттың торлауы, көк - ашық мінезіміз, қара бұлтты ысырған көк аспанымыз, бүгінгі тәуелсіздігіміз деген ой болды.

- Путиннің залым екенін жылдар бойы айттық. Қырымды басып алып еді, жұрттың көзі ашыла қапты. Георгий лентасына балама жасадық былтыр. Билік мән бермеді. Қырымдағы сеператистер сол жолақ бауды тағып алып еді, әкімдік ояна кетті. Енді Солтүстік Қазақтанға "жасыл әскерін" кіргізсе деп тілеп жүрмін. Сонда қазақтың бірігуіне, оянуына катализатор болатын еді.