Алматыда «Экспо-2017» халықаралық көрмесінің шетелдік қонақтарына арналған Іле-Алатау этноауылы ашылып, жұмысын бастады. Бұл туралы Қамшы ақпараттық агенттігі Ұлттық арнаның мәліметіне сүйеніп хабарлайды. Қазақтың салт-дәстүрін ғана емес, алып шаһардың таңғажайып табиғатын да дәріптейтін ауылға Германия, Қытай және Украинадан туристер ағылып жатыр. Іле-Алатау эноауылына қызығушылардың саны күн санап артып келеді. Олардың арасында Алматыда тұрса да киіз үйге кіріп көрмегендер де бар. Ұлтымыздың дәстүрімен танысуға зор мүмкіндік беретін этноауылға туристер көптеп ат басын бұрады деп күтілуде.
Шолушы: Айгерім Таубай
