Израиль елі қытайлықтардың еврей қыз-келіншектеріне үйленуіне, сөз байласуына тыйым салды деп хабарлайды, - Англияның жергілікті «Қамқоршы» басылымына сілтеме жасай отырып қытайдың «Пекин жастары» газеті.

Израиль елі өз заңдарына толықтырулар енгізіп: «Израиль компаниялары қытай жұмысшыларымен келсімге келгенде, қытайлықтардың жергілікті еврей қыздарымен үйленуіне рұқсат етпейтінін, өйтпегенде олардың елден қуылатыны» жайлы жазылған. Сонымен бірге, қытай жұмысшыларының ешқандай саяси және діни қимылдарға қатысуға болмайтыны жайлы да қатаң шектеу қойылған.

Израиль жақтың Ішкі істер қызметінің ресми өкілі Рафи Яфидың айтуынша: «Бұл заң Израиль мемлекетінің заңы, бұл істі атқаруға қатысқан адамдар заңмен қудаланбайды» екен.

Айта кету керек, ресми деректер бойынша Қазақстанда соңғы жылдары қытай жұмыскерлерімен тұрмыс құрған қазақ қыздарының саны артқан. Бұл ретте біздің айтарымыз әлемді өз уыстарында ұстап отырған еврей жұртының алаңдауы біздің елді ойландырса екен.

М.Жошы