Парламенттің V шақыры­лы­мының бесінші сессиясы өте қар­қынды басталды. Қыркүйек-қазан айлары­ның ішінде мұндай жедел жә­не нәтижелі жұмыс жасау Пар­ламентте болған емес. 40 күнге жуық уа­қыттың ішінде 55 заң жо­басы ма­құл­данып, Сенаттың қарау­ына жібе­ріліп отыр. Мұның бәрі Қа­зақ­стан Президенті Н.Ә.На­зар­­баев­тың Ұлт жоспары – бес инс­ти­туттық реформаны іске асыру жө­ніндегі 100 нақты қадамда көз­делген мақсаттарды іске асы­руға бағытталған. Сондықтан де­пу­таттар бұл мәселеге үлкен жауап­кер­шілікпен қарап, заң жобаларының сапалы шығуы үшін еңбек етті.
Атап айтқанда, «Қазақстан Рес­пуб­ликасының мемлекеттік рәмiз­­дерi туралы» Қазақстан Респуб­ли­касының Конституциялық заңына өзгерiстер мен толықтырулар енгi­зу туралы» Конституциялық заң жо­басы мақұлданды. Ол Елбасы Н.Ә.Назарбаевтың «Нұр Отан» пар­тиясының XVI съезінде «Бар­шаға бірдей осы заманғы мем­лекет: бес институттық реформа» және Қазақстан халқы Ассам­блеясының ХХII сессиясында сөйлеген сөздерінде айтылған тапсырмаларын іске асыру мақсатында әзірленген болатын. Заң жобасымен Мем­лекеттік рәмiздердi мін­детті түрде пайдалану орындарын кең­ей­тетін толықтырулар, Мемле­кеттік рә­мiздердi пайдалану тәрті­бін регла­мент­тейтін, сондай-ақ, Үкі­мет­тің осы мәселе бойынша құзы­ре­тін нақ­ты­лайтын өзгерiстер енгiзіледі.
Сондай-ақ, Еңбек кодексінің жобасы жаңа редакцияда мақұлданды. Соған орай, еліміздің кейбiр заң­намалық актiлерiне еңбекті реттеу мәселелерi бойынша түзетулер енгізілді. Заң жобасының негізгі мақсаты бір жағынан, әлеуметтік қор­ғау, әділеттілік және екінші жағы­нан, экономикалық тиімділік ара­сындағы тиімді тепе-теңдікті үйлес­тіретін жаңа Еңбек кодексінің тұжы­рымдамалық ережелерін іске асыру болып табылады.
«Қазақстан Республикасының кейбiр заңнамалық актiлерiне мәде­ниет және тарихи-мәдени мұра мә­се­лелерi бойынша өзгерiстер мен то­лықтырулар енгiзу туралы» заң жобасы да Президент Н.Ә.Назар­баевтың «Нұр Отан» пар­тия­сының XVI съезінде «Барша­ға бірдей осы заманғы мемлекет: бес институттық реформа» тақы­ры­бында сөйлеген сөзінде айтыл­ған тапсырмаларын іске асыру мақ­сатында және Президенттің 2014 жылғы 4 қарашадағы Жарлы­ғы­мен бекітілген Қазақстан Рес­пуб­ликасы­ның мәдени саясатының тұжы­рым­дамасына сәйкес әзірленген.
Қоғамдық тәртіпті сақтау мақ­сатында әзірленген «Қазақстан Рес­публикасының кейбiр заңна­малық актiлерiне жергілікті полиция қызметінің жұмысы мәсе­лелерi бойынша өзгерiстер мен толықтырулар енгiзу туралы» заң жобасы, нақты айтқанда, Ұлт жос­пары – бес институттық реформаны іске асыру жөніндегі 100 нақты қадамның 30-және 31-қадамдарын орындауға бағытталған. Заң жобасында жергілікті атқарушы органдарда есеп беретін жергілікті полиция қызметін құру, сондай-ақ, Ішкі істер министрлігі мен аумақтық ішкі істер органдары жанындағы Қоғамдық кеңестердің қызметін заң жүзінде бекіту көзделеді. Жергілікті полиция қызметінің жергілікті атқарушы органға есептілігі және Қо­ғамдық кеңестердің қызметі по­лиция қызметі жұмысының ашық­тығына және азаматтардың сенім­ділік деңгейін арттыруға ықпал ететін болады.
«Өзін өзі реттеу туралы» заң жобасы алғаш рет қаралып, мақұл­данды. Бұл жоба бойынша да келіп түскен ұсыныстар өте көп болды. Ал Мәжіліс мақұлдаған «Қазақстан Республикасының кейбір заңна­малық актілеріне оңалту және банкроттық мәселелері бойынша өзгерістер мен толықтырулар енгізу туралы» заң жобасы қолданыстағы заңнаманы жетілдіруді көздейді. Жаңа өзгерістер кәсіпорындарды сақтауға мүмкіндік беру жолымен биз­нес субъектілерінің қызметін рет­теу­де оңалту және банкроттық жүй­е­сі­нің рөлін арттыруға ықпал етеді.
Ауыл шаруашылығын дамы­туға байланысты жаңа заңдар қабыл­данды және қолданыстағы заңна­малық актілерге жаңа түзетулер енгізілді. Айталық, «Ауыл шаруа­шы­лығы кооперациясы туралы» жаңа заң жобасы мақұлданды. Бұл аталған салада еңбек етіп жүр­ген отандастарымыздың көптен бері күтіп жүрген заңы екені бел­гілі. Заң жобасының негізгі мақ­саты ауылдағы шағын-шағын ша­руа­шылықтардың басын біріктіруді көздейді. Өйткені, нарық заманында орын алып жатқан кедергілер шағын шаруашылықтарға өте ауыр тиеді. Оларға мемлекеттік тұрғыдан қолдау көрсету үшін осы саланы заңмен реттеу қажеттігі туып отыр. Әрі бәсекеге қабілетті өнім өн­ді­руде де ірі шаруашылықтардың рөлі жоғары, сондай-ақ, банктен несие алуда да іргелі өндіріс орын­дарының мүмкіндігі мол.
Сондай-ақ, «Қазақстан Рес­пуб­ликасының Жер кодексіне өзгерістер мен толықтырулар енгізу туралы» заң жобасы мақұлданды. Мұнда ауыл шаруашылығы мақсатындағы жерлерді жекеменшікке, оның ішінде оларды жекешелендіру және ұтымды әрі тиімді пайдалануды қамтамасыз ету бойынша кодекстің баптарын жетілдіру қарастырылған.
«Мемлекеттік -жекешелік әріп­­тес­тік туралы» заң жобасы да жан-жақты талқылаудан өтіп, мақұлданған болатын.
Осы заң жобаларын қарау барысында бұрынғы сессиядан бері қаралып келе жатқан заңдар да қолдауға ие болды. Айталық, Қазақ елінің тұңғыш рет Кәсіпкерлік кодексі өмірге келді. Бұл да кәсіпкерлікпен айналысатын азаматтар үшін жаңа мүмкіндіктер ашып отыр. Осы саланы реттеуге қатысты барлық мәселелер бір кодекске біріктірілді.
Еліміздің кейбір заңнамалық актілеріне халықты әлеуметтік қорғау мәселелері бойынша то­лық­тырулар енгізілді. Бұл заң жұмысқа орналасуды ынталандыруға ба­ғытталған және табысы аз азаматтарды мемлекеттік қолдау жүйесін реформалауды көздейді.
Сонымен қатар, қолданыстағы заңдарға білім беру мәселелері бойынша өзгерістер мен толықтырулар енгізілді. Осы заң жобасы аталған саланы заң тұрғысында реттеуді көздейді. Жалпы, жоғарыда аталған заң жобаларынан басқа да бірқатар елге керекті заңнамалық құжаттар өмірге жолдама алды.
Осы кезең ішінде қаралған заң жобалары қоғамның барлық са­ласын қамтиды. Сол себепті ау­қымды жұмыстар атқарылды. Күн сайын жұмыс тобының бірнеше оты­рысы өтті. Сенбі-жексенбі күндері де жұмыстар жалғасты. Жұ­мыс тобының отырыстары бірне­ше сағатқа созылған кездері де бол­ғанын жасырмаймыз.
Елбасының «100 нақты қадам» Ұлт жоспарында атап көрсеткен маңызды мәселелерді заң тұр­ғы­сынан іске асыру үшін депутаттар өз үлестерін қосты. Бұл істе министрліктер де, Мәжіліс аппа­ратының қызметкерлері де атсалысқанын айта кеткен жөн. Жаңадан келіп түскен түзетулерді мемлекеттік тілге аудару, заң нормаларына сәйкес келтіруде заңгерлер мен аудармашылардың да еңбегі мол болды.
Мәжілістің алдында заң жобаларын тез-тез қарап мақұлдау емес, ертеңгі күні халыққа қызмет жасайтын сапалы заңнамалық акт болуы үшін жан-жақты зерделеу мақсаты тұрды. Кейбір саяси және қаржыға қатысты бап­тар бойынша ұсынылған түзе­тулер Үкіметке жіберіліп, оң қоры­тындысы алынды. Үкіметпен, мүд­делі министрліктермен бірле­сіп атқарылған жұмыстардың нәтижесінде сенім үдесінен шыға білдік деп ойлаймын. Енді бұл заң жобаларын Сенат қабылдап, Мемлекет басшысы қол қойған соң, қолданысқа енеді. Осы заңдар Президент тапсырмасын орындауда және қоғамдағы көптеген мәселелерді заң жолымен реттеуде үлкен септігін тигізетіні сөзсіз. Бұрынғы заңдарда болған қайшылықтар мен олқылықтар жойылды. Халықтың күтіп отырған заңдары өмірге келуде.

Дереккөз: Егемен Қазақстан