Рим Папасы Лев XIV әлем жұртшылығын Таяу Шығыстағы қақтығысты тоқтатуға шақырды. Ватикан таратқан мәлімдемеде Папа соғыстың, әсіресе Таяу Шығыстағы қантөгістің дереу тоқтатылуы керектігін атап өткен.

«Соғыс – ешқашан тұрақты шешім әкелмейді. Ол тек қайғы-қасірет тудырып, терең жара қалдырады», – делінген Папаның үндеуінде.

Католик шіркеуінің басшысы Таяу Шығыстағы жағдайдың, әсіресе Ирандағы ахуалдың әлі де ушығып тұрғанына алаңдаушылық білдірді.

Аталған мәлімдеме АҚШ пен Иран арасындағы шиеленістің күшеюі аясында жасалып отыр. Бұған дейін АҚШ экс-президенті Дональд Трамп америкалық әскерилер Ирандағы ядролық нысандарға соққы жасағанын мәлімдеген болатын. Оның айтуынша, шабуылдан кейін америкалық ұшақтар Иран әуе кеңістігінен шығып, кері қайтқан.

Сонымен қатар Трамп әкімшілігі бұл әскери операция туралы Израильді алдын ала құлағдар еткен. Иран тарапы АҚШ-тың әуе соққыларын растады. Айта кетейік, бұған дейін Трамп алдағы екі апта ішінде Иранға шабуыл жасау жоспары бар екенін мәлімдеген еді. Ал АҚШ вице-президенті бұл соғысқа елдің тікелей араласуына қарсы екенін ашық айтқан.