Атырау әуежайында FlyArystan ұшағы қонғаннан кейін рульдеу жолынан шығып кетті. Борттағы 166 жолаушының ешқайсысы зардап шеккен жоқ.

Не болды?

Оқиға 14 қаңтарда болды. FlyArystan компаниясының FS7202 рейсі Алматыдан Атырауға ұшты. Ұшақ қонған соң ұшу-қону жолағын босатты да, тұраққа бет алған кезде төмен жылдамдықпен рульдеу жолының шетінен шығып кетті. Жолаушыларды экипаж борттан түсірді, жарақат алушылар тіркелген жоқ.

Компания не деді?

Авиакомпания ұшақтың рульдеу кезінде жолдан сыртқа төмен жылдамдықпен шығып кеткенін хабарлады. Компания жағдайды әуежай қызметтерімен және авиациялық органдармен бірге тексеріп жатыр.

Борттағы адамдардың қауіпсіздігін қамтамасыз ету бойынша штаттық рәсімдер атқарылды, жолаушылар аман-есен түсірілді.

Бұл туралы Qamshy.kz ақпарат агенттігі хабарлайды.