Астананың қақ ортасында ІІМ «Сұңқар» арнайы жасағының қызметкеріне белгісіз ер адам оқ атты. Күдікті оқиға орнында ұсталды.

Не болды?

Egov.press мәліметінше, оқиға 14 қаңтар күні қала көшелерінің бірінде болды. Арнайы жасақ қызметкері көлік жүргізіп келе жатқанда, жолға ружьемен қаруланған ер адам шықты. Ол бір атылым жасады, полицейді жауырын мен мойын тұсынан жаралады. Шабуылдаушы кейін қаруының дүмімен соққы жасады.

Қалай жауап берді?

Қорғану үшін арнайы жасақ қызметкері көлігін айдап, шабуыл жасаған адамды қақты. Оқиға орнына жеткен полицейлер күдіктіні дереу ұстады.

Тергеу не дейді?

Шабуылдың мән-жайын және күдіктінің мотивін құқық қорғау органдары анықтап жатыр. Ресми ақпаратты Egov.press хабарлады. Қосымша деректерді ІІМ кейінірек мәлімдейді.

Бұл туралы Qamshy.kz ақпарат агенттігі хабарлайды.