Жаңа заңнамаға сәйкес, елімізде азаматтар ұялы байланыс операторларының қызметіне еркін ауыса алатын болды. Осы өзгерістерге орай ҚР инвестициялық даму жөніндегі министрліктің байланыс, ақпараттандыру және ақпарат комитеті атқарылған жұмыстардың қорытындысын шығарды, - деп хабарлайды «Қамшы» порталы.

Өзгерістерге сай, 1 қаңтардан бастап тұтынушылар телефон нөмірлерін сақтай отырып, басқа байланыс операторының қызметіне ауыса алады.

Комитет таратқан хабарламаға сәйкес, 8 қаңтар күні сағат 12.30-ға дейін «Алтел» байланыс операторына 982 абонент, «Теле 2» операторына 558, «Билайнға» 407, «Kcell» операторына 343 абонент ауысқан.

Осы жылдың алғашқы сегіз күнінде «Kcell» операторының қызметінен 1218, «Билайннан» 565, «Tele2-ден» - 381, «Алтелден» 126 абонент бас тартқан.