Almaty qalasy «Alǵabastaǵy» yqsham aýdanyndaǵy apatty úı súriletin boldy, - dep habarlaıdy Qamshy.kz Tengrinews.kz - ke silteme jasap.
Bul týraly búgin Almaty ákiminiń orynbasary Sultanbek Mákejanov habarlaǵan.
«Qurylys kezinde qurylys jaǵdaıynyń erejesi buzylǵan, topyraǵyn nyǵaıtý jumystary qarastyrylmaǵan, osyǵan baılanysty ǵımarat qısaıdy jáne topyraq otyryp qaldy. Komısıa qurylys jaǵdaıynda ereje buzylǵandyqtan merdiger kompanıa baspanany qaıta qalpyna keltirýi kerek nemese basqa jerden baspana berýi tıis degen sheshim shyǵardy», - dedi Mákejanov.
Esterińizge salsaq, Almatyda jańadan salynǵan úıdiń turǵyndary túnde evakýasıalanǵan bolatyn. Tótenshe jaǵdaı Alataý aýdanyndaǵy Alǵabas yqshamaýdanynda (Momyshuly jáne Aqyn Sara kósheleriniń qıylysy) boldy. Turǵyndardyń aıtýynsha, tolastap jaýǵan jańbyrdan úıdiń jertólesine sý tolyp qalǵan. QR İİM TJK málimetinshe, úı astyndaǵy jer otyryp qalǵan jáne sodan úı qısaıǵan. Bul úıde shamamen 200 adam turady. Túni boıy oqıǵa ornynda qalalyq jedel qyzmet ókilderi kezekshilik etti.
