UQK Mańǵystaý oblystyq departamentiniń úsh birdeı qyzmetkeri adam urlap, aqsha bopsalaǵany úshin bas bostandyǵynan aıryldy, - dep habarlaıdy Qamshy.kz.

Chekıser aqtaýlyq azamatty elektroshoker men kisen paıdalana otyryp urlap, jasyryn páterlerdiń birinde qamap ustaǵan. Urlanǵan azamatqa esirtki saýdalady degen kúdikke ilingeni tergeý barysynda belgili bolyp otyr. UQK qyzmetkerleri qylmystyq jaýapkershilikten bosatamyz dep, 3 mıllıon teńge talap etken.

UQK-niń atalǵan burynǵy qyzmetkerleri Aqtaý qalalyq sotynyń úkimimen laýazymdyq mindetterin asyra paıdalaný (QR QK-niń 362-baby, 4-bólimi, 1-tarmaǵy), adam urlaý (QR QK-niń 125-baby, 2-bólimi, 1,3,8-tarmaqtary) jáne bopsalaý (QR QK-niń 194-baby, 3-bólimi, 2-tarmaǵy) áreketteri boıynsha kináli dep tanylyp, ekeýi múlkin tárkileı otyryp, 7 jylǵa bireýi 5 jylǵa bas bostandyǵynan aıryldy.