Úkimet janyndaǵy Jer reformasy jónindegi komısıa músheleri erteń Almaty turǵyndarymen kezdesedi, - dep habarlaıdy Qamshy.kz.

Komısıa músheleri Muhtar Taıjan, Aıdos Sarym, Dos Kóshim men Januzaq Ákim erteń Almatydaǵy «Astana» qonaq úıinde qala turǵyndarymen kezdesip, komısıa jumysy jaıynda esep bermek.

«Biz úshin ár azamattyń pikiri qundy. Eshbir suraq jaýapsyz qalmaýy tıis dep sanaımyz. Komısıa jumysyna, jer máselesi tóńiregindegi jaǵdaıǵa alańdap júrgen aǵaıynmen kezdesip, pikirlesýdi jón kórdik», - deıdi komısıa múshesi, saıasatker Muhtar Taıjan.

Esterińizge salsaq, osyndaı kezdesýdi buǵan deıin Muhtar Taıjan 22 mamyr kúni Almatyda ótkizgen bolatyn.

Komısıa múshelerimen kezdesý jeksenbi kúni (5maýsym, bastalýy saǵat 18.00-de) Almaty qalasyndaǵy «Astana» qonaq úıinde (Meken-jaıy: Baıtursynuly kóshesi 113, Sátbaev dańǵylynan tómen) ótedi.