Aqtóbede 5 maýsymda jasalǵan shabýyldardy "Qazaqstandy azat etý armıasy" dep atalatyn top moınyna aldy, - dep habarlaıdy Qamshy.kz Azattyqqa silteme jasap.
Top atynan jasalǵan úndeýde shabýyl «Nazarbaev dıktatýrasyna» qarsy «Qazaqstannyń demokratıalyq damý jolyn jaqtaýshylardyń alǵashqy urysy» bolǵany aıtylady.
Aqtóbede 5 maýsymda bir top qarýly adam eki qarý-jaraq dúkeni men áskerı bólimge shabýyl jasap, polısıamen jáne áskerılermen atysqan. İshki ister mınıstrligi shabýyldy «dinı radıkaldar toby» jasaǵanyn málimdegen bolatyn. Mınıstrlik málimetinshe, atys pen arnaıy operasıalar barysynda barlyǵy 18 adam, onyń ishinde 12 "qylmysker" qaza tapqan.
Búgin densaýlyq saqtaý jáne áleýmettik damý mınıstri Tamara Dúısenova 5 maýsymda Aqóbedegi atystardan 38 adam jaralanǵanyn málimdegen.
Sondaı-aq, búgin Qazaqstannyń barlyq oblysynda jáne Astana, Almaty qalalarynda terrorlyq qaýip-qaterdiń «qalypty sary deńgeıi» engizildi. Ol týraly turǵyndarǵa SMS-habarlama taraýda.
