Aýyratlet Vladımır Sedov Qazaqstan chempıonatynda daý shyǵaryp, aýyr atletıkadan Qazaqstan chempıonatyna qatysýdan bas tartty. Qazaqstandyq aýyratlettiń daý shyǵarǵany túsirilgen vıdeo paıda boldy, - dep habarlaıdy Qamshy.kz Tengrinews.kz – ke silteme jasap.

Beınebaıanda Vladımır Sedov pomostqa shyqqany, biraq shtangany kótermegeni kórinedi. Munyń ornyna ol jeıdesin sheship, qolynda shaıqap turyp, "Mine sizderge naǵyz Olımpıada chempıony!" dep aıǵaılaıdy. Keıin sportshy syrtqa shyǵyp ketedi. Alaıda Sedov budan keıin qaıta shyǵyp, jeıdesin alyp, kórermenderge laqtyrady. Aıta keteıik, Sedov kıip shyqqan jeıdede reseılik aýyratlet Aleksandr Ivanovtyń sýreti bar eken. Ol Londondaǵy Olımpıada-2012-de qazaqstandyq Ilá Ilınnen jeńilip, ekinshi oryn alǵan bolatyn. El birinshiliginiń favorıti (94 kelige deıingi tujyrym) týrnırge qatysýdan osylaısha bas tartty.

Aıta keteıik, 2009 jylǵy álem chempıony Vladımır Sedov mansap jolyn ótken jyly aıaqtaǵan bolatyn. Alaıda onyń salmaq dárejesindegi eki sportshy dopıng daýyna ilinip, jarystardan shyǵyp qalǵannan keıin qaıta oralǵan edi.