Ál-Farabı atyndaǵy QazUÝ-da ótken oqý-ádistemelik birlestiktiń Respýblıkalyq oqý-ádistemelik keńesiniń kezekti otyrysynda elimizdegi joǵary oqý oryndarynyń úsh tildik bilim berý úlgisine kóshý strategıasy, joǵary bilim berý baǵdarlamasyna «Zamanaýı Qazaqstan tarıhy» jáne «Aqparattyq-kommýnıkatıvti tehnologıalar» pánderin engizý, qoljetimdi onlaın kýrstar ulttyq platformasyn uıymdastyrý syndy taqyryptar qarastyryldy, - dep habarlaıdy Qamshy.kz.
QazUÝ-da 2016 jyldyń 2 maýsymynda Bilim jáne ǵylym mınıstrliginiń joǵary jáne joǵary oqý ornynan keıingi bilim berý oqý-ádistemelik birlestiginiń Respýblıkalyq oqý-ádistemelik keńesiniń (ROÁK) kezekti otyrysyna QR joǵary oqý oryndarynyń rektorlary men prorektorlary qatysty.
Elimizdiń aldyńǵy qatarly 23 joǵary oqý orny quramyna kiretin ál-Farabı atyndaǵy Qazaq ulttyq ýnıversıteti oqý-ádistemelik birlestiginiń ROÁK-i búginde respýblıkalyq joǵary jáne joǵary oqý ornynan keıingi bilim berý salasynda 118 mamandyq boıynsha oqý-ádistemelik jumystardy saraptaıdy.
Oqý-ádistemelik birlestiginiń tóraǵasy, QazUÝ rektory Ǵalym Mutanov atap ótkendeı, «2016-2020 jyldar aralyǵy elimizdiń joǵary oqý oryndarynyń úsh tildik bilim berýge kóshýi – otandyq kadrlardyń básekelestikke qabilettiligin arttyrýdyń jáne bilim sektorynyń eksporttyq áleýetin ósirýdiń negizgi sharty. Úsh tildik bilim berý strategıasy ýaqyt talaptaryna jaýap berýge, bizdiń qoǵamnyń ómirlik qajettilikteriniń sheshimin tabýǵa múmkindik beredi. Munyń bári oqý-ádistemelik birlestiktiń Respýblıkalyq oqý-ádistemelik keńesine aldaǵy jylǵa mańyzdy mindetterdi aıqyndap berdi».
Oqý-ádistemelik birlestiktiń ROÁK-i músheleri kóp tildi bilim berý baǵdarlamalaryn engizý boıynsha ál-Farabı atyndaǵy QazUÝ tájirıbesimen tanysty.
Otyrys barysynda ál-Farabı atyndaǵy QazUÝ-dyń biliktilikti ósirý jáne qosymsha bilim berý ınstıtýty dırektorynyń orynbasary Z.M. Balǵymbaeva jáne shet tilder kafedrasynyń meńgerýshisi A.A. Moldaǵalıeva ózderiniń «2016-2020 jyldar aralyǵy QR joǵary oqý oryndarynyń úsh tildik bilim berýge kóshý strategıasynyń sheńberinde jaratylystaný baǵytyndaǵy mamandyq oqytýshylarynyń aǵylshyn tilindegi daıyndyqtaryn kúsheıtý baǵdarlamasy jaıly» atty baıandamasyn oqydy.
QazUÝ-dyń tarıh, arheologıa jáne etnologıa fakúlteti dekany A.Q. Jumadildiń «Zamanaýı Qazaqstan tarıhy» páni jaıly baıandamasy, ál-Farabı atyndaǵy QazUÝ ınformatıka kafedrasynyń meńgerýshisi R.K.Ýrmasheva men Halyqaralyq IT ýnıversıtetiniń akademıalyq suraqtar boıynsha prorektory R.K.Úskenbaevanyń «Aqparattyq-kommýnıkatıvti tehnologıalar» pánin aǵylshyn tilinde oqytý baǵdarlamasy, sonymen qatar, ál-Farabı atyndaǵy QazUÝ-dyń Qashyqtyqtan oqytý ınstıtýty dırektory E.S.Alımjanova men Biliktilikti arttyrý jáne qosymsha bilim ınstıtýty dırektory B.A. Shaıkenovanyń buqaralyq ashyq onlaın kýrstar ulttyq platformasyn uıymdastyrý jaıly baıandamalary qyzý pikirtalas týdyrdy.
Oqý-ádistemelik birlestiktiń ROÁK jumysynyń basty baǵyttary – jetekshi mamandyqtar boıynsha joǵary oqý oryndarynyń kitaptarmen qamtylýyn turaqty zertteý jáne tıisti ǵylymı-pedagogıkalyq áleýeti bar joǵary oqý oryndaryna qajetti oqý quraldaryn basyp shyǵarýǵa arnaıy tapsyrystardy ornalastyrý.
Osy baǵytta QazUÝ fılosofıa jáne saıasattaný fakúltetiniń dekany Á.R. Masalımova otyrys qatysýshylaryn joǵary bilim berýge arnalǵan «Dintaný» oqý-ádistemelik quralymen tanystyrdy. Á.R. Masalımova dinı estremızm men terorızmniń sharyqtaý shaǵynda kórsetilgen oqý-ádistemelik quraldyń ózektiligin tilge tıek etti.
Oqý-ádistemelik birlestiktiń ROÁK-i músheleri osy otyrysta qabyldanǵan sheshimder bilim jáne ǵylym salasyn damytýda strategıalyq mindetterdi atqarýǵa, zamanaýı álemde Qazaqstannyń básekelestikke qabilettiligin joǵary dárejede qalyptastyrýǵa úles qostynyna senimdi.
